San Juan 13:5 - Bible in Tzeltal de Oxchuc y Tenejapa

⁵ La sq'ueb ja' ta vasija. Caj spocbey yacan te jnopojeletic yu'une, soc la staquintesbey ta toalla te chucul ta xch'ujt'e.

Nuevo Testamento Tzeltal de Amatenango

⁵ Te nax a la skꞌeb jaꞌ ta jun basija y lijk spokbe yok te jnopojeletik yuꞌune, y la stakutesbe ta toaya te chukul ta xchꞌujte.

Bible in Tzeltal Bachajón

⁵ Patil, la yac' ha' ta jahy, hahch spocticlambe yoc te jnopojeletic yu'un, soc la scusticlambe ta toalla te bech'el ta sch'uyomba.

San Juan 13:5 ပူးပေါင်းရင်းမြစ်များ

Génesis 18:4

Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e.

Génesis 19:2

jich la yal: —Jtatiquetic, ya cal wocol ta atojolic te ya me xbaex ta jna te awabatone. Tey me ya xc'o apoc awacanic a, soc tey me ya xwayex a. Sab pajel ya xjajch'ex, ya xbaex —la yut. Ja'uc me to, albot yu'un: —Manchuc, wocol la awal. Tey ya xwayotic ta calle yo'tic —xiic.

Génesis 43:24

Patil ic'otic ochel ta yutil sna te José. Ac'bot ja' spoc yacanic a, soc ac'bot swe'el te sburroique.

2 Reyes 3:11

La sjac' te Josafat: —¿Ma bal ayuc j'alwanej yu'un Cajwaltic li'to te ya xju' ya sjojc'obotic te Cajwaltic? —xi'. Jtul capitán yu'un soldadoetic yu'un te muc' ajwalil ta Israel, jich la yal: —Li' ay te Eliseo, te snich'an Safat, te abat yu'un Elías —xi'.

Salmos 51:2

Pocbon loq'uel te bila amen jpasoje; pasbon ta sac te co'tane.

Éxodo 29:4

Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Isaías 1:16

Poca abaic, sapa abaic. Q'uejbonic bael ta jsit te amulique; ijq'uitayaic ta spasel te bila ma lecuque.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Levítico 14:8

“Te mach'a ya yich' lecubtesel sc'oplal ya me sc'an te ya sac' te sc'u'-spac', ya me spoc sba ta scojt'ol, soc ya me sloq'ues spisil stsotsil sbaq'uetal ta scojt'ol, swenta yu'un jich me ya yich' lecubtesel bael sc'oplal a. Patil ya me xju'ix ya x'och ta campamento, ja'uc me to juqueb me c'aal ya x'ain ta yol q'uinal.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

San Lucas 7:38

Noptsaj tel ta bay yacan te Jesuse, la yoq'uetay sba tey a te antse. T'ulaj coel ya'lel sit ta yacan te Jesuse, soc la scusbey ta stsotsil sjol. Caj sbujts'iybey te yacane, soc la smalbey ta perfume.

San Lucas 7:44

Jich te Jesús la yil te antse, soc la yalbey te Simone: —¿La bal awil in ants to? Te c'alal julon ta anae ma la awac'bon ja' jpoc cacan a. Yan in ants to, la spocbon cacan ta ya'lel sit, soc la scusbon ta stsotsil sjol.

San Juan 13:10

Jesús la yalbey: —Te mach'a atinemixe ma yejt'aluc te ya yich' poquel scojt'ole. Tic' a teme ya yich' poquel te yacane, melel atinemix scojt'ol. Te ja'exe utstesbilexix, manchuc teme ma apisilicuque —xi'.

San Juan 13:6

Te c'alal c'ot ta bay te Simón Pedroe, jich la yal te Pedroe: —Cajwal, ¿ja'at bal ya apocbon te cacane? —la yut.

San Juan 13:8

La yal te Pedroe: —¡Ma'yuc bi ora ya cac'bat apocbon cacan! —xi'. Jesús la yalbey: —Teme ma jpocbat awacane, ma xju' te cu'un ya xc'oate —xi'.

San Juan 19:34

Ja'uc me to, ay jtul soldado la slowbey ta lanza te smoche. Ora nax a loc' tel ch'ich' soc ja'.

Hechos 22:16

Ta ora to, ¿bila ya amaliy xan? Jajch'an, ac'a aba ta ich'ja'. Jich me ya spocbat loq'uel amul te bit'il ya awalbey wocol te Cajwaltique”, la yuton te Ananiase.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Jueces 19:21

Te mamale la yic' bael ta sna. Te jbeometic la spoc yacanic, we'ic soc uch'ajic, soc te mamal la yac'bey swe'el te burroetique.

1 Samuel 25:41

Te Abigail la stinan sba coel c'alal ta lum swenta yich'el ta muc' te David, patil jich la yal: —Jo'on mero peq'uel abaton yu'un te David. Jun co'tan ya jpocbey yacan te abatetic yu'un teme jich ya yac'bon jpase —xi'.