San Juan 13:18 - Bible in Tzeltal de Oxchuc y Tenejapa

¹⁸ “Ma apisiluc te jich ya calbeyexe, melel na'bilix cu'un te mach'atic jtsaoje. Ja'uc me to, puersa ya xc'ot ta pasel te bi ts'ibubil ta Sjun te Diose: “Te mach'a pajal ya xwe'on soque, c'atp'ujix ta jcontro”, te xie.

Nuevo Testamento Tzeltal de Amatenango

¹⁸ Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.

Bible in Tzeltal Bachajón

¹⁸ Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 13:18 ပူးပေါင်းရင်းမြစ်များ

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Jeremías 41:2

te Ismael soc te lajuntul winiquetic te joinbil bael yu'une, jajch'ic ta ora soc spuñalic, la smilic te Gedalías, te ac'bot jilel yat'el ta ajwalil ta Judá yu'un te muc' ajwalil ta Babilonia.

San Mateo 10:36

Yu'un ja' yajcontro ya xc'ot te mach'atic ay yu'un ta snae.

San Mateo 26:21

Yacalic ta we'el a te jich caj yal te Jesuse: —Jamal ya calbeyex, te ay jtulex te ya yac'on ta c'abale —xi'.

San Mateo 26:23

La yal te Jesuse: —Ja' te mach'a pajal yacon ta sluchel we'el soque, ja' me ya yac'on ta c'abal abi.

San Marcos 14:17

Te c'alal ochix a te ajc'ubale, jul tel Jesús soc te lajchaytul jnopojeletic yu'une.

San Marcos 14:18

Te bit'il yacalic ta we'el ta mesa, jich la yal te Jesuse: —Jamal ya calbeyex, ay jtul te ja'ex te sjoinejon ta we'el te ya yac'on ta c'abale —xi'.

San Marcos 14:20

La yal te Jesuse: —Ay jtul ta alajchaytululic ja'ex te pajal ya jluch jwe'el ta plato soque.

San Lucas 22:21

“Ja'uc me to, te winic te ya yac'on ta c'abale, pajal ay jc'ab ta we'el soc ta mesa.

San Juan 13:21

C'alal laj yo'tan ta yalel in to te Jesuse, bayal la smel yo'tan soc jamal caj yal: —Jamal ya calbeyex, ay jtulex te ya awac'onic ta c'abale —xi'.

San Juan 13:22

Te jnopojeletique jajch' yilbey sba sitic, yu'un bayal la yaan yo'tanic te mach'a a te la yalbey sc'oplale.

San Juan 13:26

La yal te Jesuse: —Ja' te mach'a ya jmulbey xejt'uc waj te ya cac'bey swe'e, ja' me abi —xi'. Jich la smulbey soc la yac'bey te Judas te snich'an Simón Iscariotee.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:19

Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 18:32

Jich c'ot sc'op te Jesús te bit'il la yal te bila lajel ya yaiye.

San Juan 19:24

Jich la yalbey sbaic: —Ma me jch'i'tic. Ja' lec ya jpastic ta número quiltic te mach'a ya xc'ot ta swentae —xiic. Jich c'ot ta pasel te bila ts'ibubil jilel ta Sjun te Diose: “La spucbey sbaic te jc'u'-jpaq'ue. La spasbeyic snumeroil ta na'el te mach'a ya xc'ot ta swenta te jc'u'e”, te xie. Jich nix la spasic te soldadoetique.

San Juan 19:36

Melel jich c'ot ta pasel swenta yu'un ts'acal ya xc'ot ta pasel te bila ts'ibubil jilel ta Sjun te Diose: “Xujt' ma xyich' c'asel jch'ixuc sbaquel stuquel”, te xie.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

San Juan 6:70

Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.

Hechos 1:16

—Quermanotac, puersa c'ot ta pasel te bila ts'ibubil jilele, ja' bi ja' te bila yaloj te Ch'ul Espíritu ta swenta sti' David, te la yalbey sc'oplal te Judas te la yic' tel te mach'atic la stsaquic te Jesuse.

Hechos 1:2

ja' to c'alal te ic'ot moel ta ch'ulchane. Te c'alal ma to xbajt' ta ch'ulchane, la spas ta mandal ta swenta te Ch'ul Espíritu te jpuc-c'opetic te tsabil yu'une.

2 Corintios 4:5

Melel te jo'otique, ma ja'uc ya jchol jc'oplaltic, ja' ya jcholbeytic sc'oplal te Cajwaltic Jesucristoe. Te jo'otique, abat nax ayotic ta atojolic ta swenta xc'uxul yo'tan te Jesuse.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.