San Juan 13:13 - Bible in Tzeltal de Oxchuc y Tenejapa

¹³ Te bit'il “Maestro” soc “Cajwal”, ya awutonic, melel xawalic, yu'unix jo'on a.

Nuevo Testamento Tzeltal de Amatenango

¹³ Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

Bible in Tzeltal Bachajón

¹³ Ha'ex hich yac awalbonic: Maestro soc Cajwal, xchihex, lec te hich yac awalic, como ho'on nix a.

San Juan 13:13 ပူးပေါင်းရင်းမြစ်များ

Jeremías 1:12

—Melel nix a. Ya me cac' puersa swenta yu'un ya me xc'ot ta pasel te jc'ope —xi'.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Lucas 10:28

La yal te Jesuse: —La ana' sujt'esel ya caiy. Jich me xba apas. Jich me ya xcuxinat sbajt'el q'uinal —xi'.

San Lucas 6:46

“¿Bi yu'un te “Cajwal, Cajwal”, ya awutonic, te melel ma xapasic te bila ya calbeyexe?

San Lucas 7:43

La yal te Simone: —Te ya cale, ja' te winic te bayal sbet ch'aybote —xi'. Jesús la yal: —Jich te bit'il la awale —xi'.

San Juan 11:2

(Ja' in to, ja' te María te la smalbey perfume te yacan te Cajwaltique soc te la scusbey yacan ta stsotsil sjole. Ja' yijts'in te ay ta chamele.)

San Juan 11:28

Te c'alal laj yo'tan ta yalel in to te Martae, ba yic' tel te María ja' te yijts'ine. Jich c'o yalbey ta muquen: —Te Maestroe li' ayix to. Ya me yic'at —xi'.

San Juan 11:3

Jich yu'un te cheb antsetique la sticunic ta alel ta stojol te Jesuse, jich la yalic bael: —Cajwal, ay ta chamel te mach'a c'ux ta awo'tane —xiic bael.

1 Corintios 12:3

Jich yu'un ya jc'an te ya ana'ic stojol te ma ja'uc ya xc'opoj ta swenta te Espíritu yu'un Dios te mach'a ya yal te mero amen te Jesuse. Soc ma'yuc jtuluc mach'a ya yal: “Ja' Cajwal te Jesuse”, te xie, te manchuc ja'uc ta swenta yu'el te Ch'ul Espiritue.

1 Corintios 8:6

ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

Efesios 6:9

Soc ja'ex te yajwalex te abatetique, jich nix ya sc'an ya apasic ta stojol uuc te abatetic awu'une. Ijq'uitayaic te ya axiwtesic ta tulan c'ope. Na'aic me te pajal ay Awajwalic ta ch'ulchan soque, soc ma'yuc mach'a tsabil nax yu'un te Diose.

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

Santiago 2:19

Te ja'ate ach'uunej te jun nax Dios aye. Lec nax te bit'il jich ach'uuneje. Ja'uc me to, jich xch'uunejic uuc te pucujetique, soc ya xnijc' yo'tanic yu'un xi'el.