San Juan 12:5 - Bible in Tzeltal de Oxchuc y Tenejapa

⁵ —¿Bi yu'un ma la yich' chonel in perfume to? Ya xloc' jo'lajunwinic (300) denario-taq'uin stojol te jichuque, yu'un ya yich' coltayel a te me'baetique —xi'.

Nuevo Testamento Tzeltal de Amatenango

⁵ —¿Tuꞌun te maꞌ chonilub te perpume to? Ya xlokꞌ tresientos denario takꞌin stojol te jichuke, yuꞌun ya yichꞌ koltayel a te meꞌbaꞌetike —xchi.

Bible in Tzeltal Bachajón

⁵ ¿Bin yu'un ma ba la yich' chonel ta ho'lajunwinic (300) denario te perfume, yu'un ya yich' a'beyel te pobrehetique? xchi.

San Juan 12:5 ပူးပေါင်းရင်းမြစ်များ

Esdras 4:14

Melel ja'at nix awabatotic, ja' yu'un ma jc'antic teme ay bitic ya yuts'inbat awo'tane. Ja' yu'un la jticuntic ta atojol te aiyejetique,

Éxodo 5:17

La sjac' te faraón: —Te ja'exe ja' xanix ya ac'anic te jichuc xanix ayex yu'un ach'ajilic. Ja' swentail te yacalex ta yalel: “Ya xba cac'beytic smajt'an Cajwaltic”, te xaexe.

Éxodo 5:8

Sujaic me ta jyalel, jich nix me yajtalul ya spasic te bit'il ta ora to, ni jun ma me sts'uj yajtalul. Yu'un ya sc'anic te jichuc xanix ayic yu'un xch'ajilic. Ja' swentail te yacaliquix ta aw: “Ya xba cac'beytic smajt'an te Dios cu'untique”, te xiique.

Amós 8:5

jich ya awalic: —¿Bi c'aalil ya xc'ax te q'uin yu'un te yach'il u, swenta yu'un ya xju' jchontic a te trigo? ¿Bi c'aalil ya xc'ax te sc'aalelal cux-o'tan, swenta yu'un toyol xan stojol ya jchontic a te jtrigotique? Ya me jtuuntestic te ma ts'acaluc sp'isol soc te ma ts'acaluc kilo,

San Mateo 18:28

“Ja'uc me to, te abate loq'uel to bael a te la sta sba soc jtul sjoy ta abatil te ay sbet jo'winic denario yu'une. La stsac soc la spich'bey snuc': “Tojbon te abete”, la yut.

San Mateo 20:2

La xchap soc te j'at'eletic yu'une te ya stoj jun denario-taq'uin te jun c'aale. Jich la sticun bael ta at'el ta bay te ts'usubiltic yu'une.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Lucas 6:41

“¿Bistuc ja' ya awil te ch'in ac te ochem ta sit te awermanoe? Yan te muc'ul ts'amte' te c'atal ta asite, ma ba ya awil stuquel.

San Juan 12:4

Caj ta c'op te jtul jnopojel, ja' te Judas Iscariote te snich'an Simone soc ja' nix te mach'a la yac' ta c'abal ta patil te Cajwaltique. Jich la yal:

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

San Juan 13:29

Te bit'il ja' ay ta swenta te yawil taq'uin te Judase, jich la scuyic te yu'un ay bila la yac' xan ta manel Jesús te ya xtuun yu'unic ta spasel a te q'uine, o teme ay bila ya yac'beyic xan jtebuc te me'baetique.

San Juan 6:7

Te Felipe la yal: —Te ayuc lajunwinic (200) denario-taq'uin ya jmantic te waje, ma tic'uc ya swe'ic juju-jxejt'uc a —xi'.