San Juan 12:32 - Bible in Tzeltal de Oxchuc y Tenejapa

³² Te c'alal ya quich' jijp'anel ta balumilale, ya me quic' tel ta jtojol spisil ants-winiquetic —xi'.

Nuevo Testamento Tzeltal de Amatenango

³² Pero te kꞌalal ya kichꞌ jachel moel liꞌ ba lume, joꞌon mismo ya kikꞌ tal ta jtojol spisil te genteetike —xchi.

Bible in Tzeltal Bachajón

³² Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

San Juan 12:32 ပူးပေါင်းရင်းမြစ်များ

2 Samuel 18:9

Te Absalón moem ta smacho. Ora nax la snujp'usitay sba soc swinictac David. Te smacho och bael ta ye'tal muc'ul jijte'. Te Absalón cats'al jilel sjol ta c'ab te'etic ta toyol, bajt' stuquel te smachoe.

Cantares 1:4

Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Oseas 11:4

La jnit ta swenta te t'ujbil yutsil co'tan, la jtsac ta swenta xc'uxul co'tan, jich la quic' ta jtojol. La jpet jichuc chu'ul alaletic; jich jajch'on ta yac'beyel swe'elic.

Números 21:9

Te Moisés la spasbey sloc'omba chan ta bronce, la sjojc'an ta te'. C'alal ay mach'a ti'bilix yu'un a te chane, la stoy moel sit ta yilel te sloc'omba chan pasbil ta bronce, jich a col.

San Juan 1:7

Ja' tal yalbey sc'oplal te luz, swenta yu'un jich me ya xch'uunic te ants-winiquetique.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Juan 18:32

Jich c'ot sc'op te Jesús te bit'il la yal te bila lajel ya yaiye.

San Juan 19:17

Te Jesús la xcuch bael te scruz. Bajt' ta bay Yawil Baqueljolol sbiil te q'uinale, te Gólgota sbiil ta hebreo-c'op.

San Juan 3:14

Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

San Juan 6:44

Ma'yuc mach'a ya xtal jtuluc ta jtojol te manchuc ja'uc ya yic' tel te Jtat te ticunbilon tel yu'une, soc ya me jcha'cuxes tel ta slajibal c'aal.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

1 Timoteo 2:6

Ja' te mach'a la yac' sba ta lajel ta smanel scolel spisil te ants-winiquetique. Jich la yich' alel ta testigo-c'op, te c'alal la sta yorail yu'un te Diose.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.