San Juan 12:31 - Bible in Tzeltal de Oxchuc y Tenejapa

³¹ Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

Nuevo Testamento Tzeltal de Amatenango

³¹ Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

Bible in Tzeltal Bachajón

³¹ La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

San Juan 12:31 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Isaías 49:24

¿Ya bal xju' ta pojel loq'uel ta sc'ab te c'ajc'al winic te bitic stsacoj ta guerra? ¿Ya bal xju' xcol loq'uel jtul jchuquel ta sc'ab te jtsalwaneje?

San Mateo 12:28

Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

San Juan 9:39

La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

1 Corintios 1:20

¿Banti ay te mach'a ay sp'ijile? ¿Soc banti ay te jts'ibojome? ¿Soc banti ay te mach'a ya sna' yalel te bitic ay li' ta balumilale? ¿Ma bal jowil c'opuc nax c'oem yu'un Dios spisil te p'ijil c'op te ay ta balumilale?

1 Corintios 1:21

Ja'uc me to, ta swenta sp'ijil te Diose, te mach'atic ayic ta balumilal ma la sna'beyic sba Dios ta swenta nax te sp'ijilique. Ja' lec la yaiy ta yo'tan Dios te ya scoltay te mach'atic ya xch'uunic te sc'ope, manchuc teme jowil c'op nax c'oem ta yo'tanic te yantique.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.