San Juan 12:20 - Bible in Tzeltal de Oxchuc y Tenejapa

²⁰ Ay griegoetic capal soc te mach'atic julemic ta Jerusalén ta slajinbel sbaic ta yorail te q'uine.

Nuevo Testamento Tzeltal de Amatenango

²⁰ Ay griegoetik kapal sok te machꞌatik baemik ta Jerusalen ta skejanel sbaik yuꞌun te kꞌine.

Bible in Tzeltal Bachajón

²⁰ Ay griego-winiquetic te mohemic tal ta yich'el ta muc' Dios ta yorahil q'uin.

San Juan 12:20 ပူးပေါင်းရင်းမြစ်များ

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

San Marcos 7:26

Ya xc'opoj ta griego-c'op, Griega te antse. Ta Sirofenicia te nación yu'une. Tal yalbey wocol te Jesús te yacuc sloq'uesbey pucuj ta yo'tan te yantsil-ale.

San Juan 12:1

Waqueb xan c'aal sc'an sta a te q'uin Pascuae, te Jesús bajt' ta lum Betania ta banti ay te Lázaro te la yich' cha'cuxesel tel ta bay animaetique.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 7:35

Te judioetique caj sjojc'obey sbaic: —¿Banti ya xbajt' te winic te ma jtatic ta leel ya yale? ¿Yu'un bal ya xbajt' ta banti pujq'uemic te jlumaltic ta bay yolil te griegoetique yu'un ja' ya sp'ijubtes te griegoetique?

Hechos 14:1

Te c'alal ayiquix ta lum Iconio te Pablo soc te Bernabé, ochic ta bay te sinagoga yu'un te judioetique. Ay yip te sc'opique. Jich tsobol judioetic soc tsobol griegoetic la xch'uunic.

Hechos 16:1

Jich te Pablo soc te Silas c'otic ta lum Derbe soc lum Listra te banti la staic jtul jnopojel te Timoteo sbiil te yal jtul judia-ants te xch'uunej te Jesuse. Yan te state griego-winic stuquel.

Hechos 17:4

Ay judioetic te c'ot ta yo'tanic te bila la yal te Pabloe. Jich la sjoinic te Pablo soc te Silase. Soc c'ot ta yo'tanic tsobol te griegoetic te yich'ojic ta muc' te Diose soc tsobol uuc te jc'ulej-antsetic te ich'bilic ta muq'ue.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 21:28

Jich la yalic ta aw: —¡Jlumal israeletic, la' coltayawotic! Li' ay to te winic te beenemix ta bayuc ta yaq'uel ta nopel ta stojol spisil ants-winiquetic te ma'yuquix sc'oplal te jlumaltique, soc te mandalil yu'un te Moisese, soc te templo cu'untique. Soc ta ora to la yiq'uix ochel ta templo te jyanlum winiquetique. Jich bolobix a te ch'ul templo cu'untique —xiic ta aw.

Hechos 8:27

Jich jajch' ta beel te Felipee, la sta bael ta be jtul etiope-winic. Eunuco te winique te yich'oj tulan yat'el ta tesoreroil yu'un te Candace, ja' te antsil muc' ajwalil yu'un te etiopeetique. Te winique xc'otuc ta Jerusalén ta slajinel sba ta stojol Dios.

Romanos 1:16

Melel ma xq'uexawon yu'un te lec yach'il c'ope. Melel ja' ay yu'el yu'un te Diose, swenta yu'un jich ya xcolic spisil te mach'atic ya xch'uunique. Ja' neel te judioetique, soc uuc te jyanlumetique.

Romanos 10:12

Melel pajal sc'oplal te judioetic soc te jyanlumetique. Jun nax Yajwalic ta spisilic, melel pajal ya yac'bey bendición spisil te mach'atic ya yalbey wocol ta stojole.

Gálatas 2:3

Manchuc me griego-winic te Tito te sjoinejone, ma la sujic ta yich'el te circuncisione.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.