San Juan 12:16 - Bible in Tzeltal de Oxchuc y Tenejapa

¹⁶ Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

Nuevo Testamento Tzeltal de Amatenango

¹⁶ Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

Bible in Tzeltal Bachajón

¹⁶ Te jnopojeletic yu'un ma ba la sna'beyic scuentahil ta ora te bin c'oht ta pasel, pero te c'alal ac'ot ta ich'el ta muc' a te Jesús, la sna'ic te hich nix ts'ihbabil sc'oblal a soc te hich pasbot yu'unique.

San Juan 12:16 ပူးပေါင်းရင်းမြစ်များ

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

San Marcos 9:32

Ja'uc me to, te jnopojeletique ma la sna'ic stojol te bila la yale, soc la xi'ic te ya sjojc'obeyic xane.

San Lucas 18:34

Ja'uc me to, xujt' ma la sna'ic stojol te bila la yale, yu'un ma chicanuc la yaiyic te bit'il c'oem swentaile. Jich ma ba c'ot ta yo'tanic.

San Lucas 24:25

Jich albotic yu'un te Jesuse: —Wocol cati ya xc'ot ta awo'tanic. ¿Bi to ora ya xch'uun awo'tanic spisil te bila yaloj jilel te namey q'uinal j'alwanejetic yu'un te Diose?

San Lucas 24:45

Soc la sjambey yo'tanic yu'un sna'el stojol te bila ts'ibubil ta Sjun te Diose.

San Lucas 9:45

Te jnopojeletique ma c'ot ta yo'tanic te bila la yale, Dios ma ba ac'bot sna'ic stojol yu'un. Soc la xi'ic te ya sjojc'obeyic xan te Jesuse.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 14:26

Te Jmuc'tesej-q'uinal awu'unique, ja' te Ch'ul Espíritu te ya sticunbeyex tel ta jwenta te Jtate. Ja' me ya yac'beyex anopic spisil stuquel, soc ja' me ya yac'beyex ana'ic stojol ta spisil te bi la calixe.

San Juan 16:4

La me calbeyex awaiyic in to, swenta yu'un te c'alal ya xc'ot yorail, jich me ya ana'ic te jich nix la calbeyex awaiyique. “Ta neelal to ma la calbeyex spisil in to yu'un joinejex to a.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 2:22

Jich yu'un te c'alal cha'cux tel ta bay animaetic te Jesuse, jich jul ta yo'tanic te jnopojeletic yu'un te bit'il jich yaloje. Jich la xch'uunic te bila ts'ibubil ta Sjun te Diose soc te bila la yal te Jesuse.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Hechos 2:33

Ic'ot moel c'alal ta swa'el sc'ab te Diose, soc ac'bot ta swenta te Ch'ul Espíritu yu'un te State. Jich la smalix ta jtojoltic te bit'il albil sc'oplale. Ja' meix te yacalex ta yilele soc te yacalex ta yaiyel stojole.

Hechos 2:36

“Jich yu'un te ja'exe soc spisil te jlumaltic israeletique, na'aic me stojol ta melel ta apisilic te ja' ya calbeyex sc'oplal te Jesuse. Te ja'exe, la amilic ta cruz. Yan te Diose, la yaq'uix ta ilel te ja' Cajwaltic soc ja' te Cristoe —xi' te Pedroe.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

Hebreos 8:1

Te bila muc' sc'oplal te la caltiquix tele, ja' te bit'il jich ay te Muc' Sacerdote cu'untic te nacalix ta swa'el smuc'ul nactijib te muc' Dios te ay ta ch'ulchane.