San Juan 11:52 - Bible in Tzeltal de Oxchuc y Tenejapa

⁵² Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

Nuevo Testamento Tzeltal de Amatenango

⁵² Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

Bible in Tzeltal Bachajón

⁵² Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

San Juan 11:52 ပူးပေါင်းရင်းမြစ်များ

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Salmos 22:15

Taquinix que jich bit'il te taquin xejt'el oxom; slap'ojix sba cac' ta yutil que. La awac'on coel ta muquel ta yawil te lajele.

Salmos 22:27

Ja'ex te sts'umbalex spisil ta jchajp ants-winiquetic, ja'ex ta apisilic te ayex ta spamal te balumilale, na'aic me te Cajwaltic. La'ic me, quejana abaic ta stojol.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Isaías 49:18

Toya moel te asite, ilawil ta sjoyobal, ilawil bit'il ya stsob xan sbaic spisilic soc ya sujt'ic tel ta atojol. “Jo'on Ajwalilon te cuxulone, ya cal ta jamal, ta spisilic jichic bit'il xch'alil ac'u' te ya alape, jich c'oem te bit'il xch'alil jtul ach'ix te ya xnujbinixe.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 55:5

Te ja'ate ya me awic' tel te lumetic te ma na'biluc sbaique; te lumetic te ma sna'bat aba, animal nax ya xbajt'ic ta atojol. Melel ya me cac'at ta ich'el ta muc', jo'on Awajwalon, te Ch'ul Dioson yu'un Israel —xi'.

Isaías 56:8

Ya me cac' sujt'uc tel soc te ya stsob sbaic te mach'atic ayic to ta yan q'uinal —xi' te Cajwaltique. Ja' ya yal te Cajwaltic, te ya yac' stsob sbaic tel te israeletic te pujq'uemique.

Isaías 60:4

Toya me jajch'el te asite, ilawil ta sjoyobal te q'uinale; spisil ya stsob sbaic soc ya xtalic ta atojol. Te queremetic awu'un c'ubul me ya xtalic; te ach'ixetic awu'un petbil me ya xtalic.

Ezequiel 34:12

Te jcanan-chij bayal sc'oplal ta yo'tan stsobel tel te chijetic yu'un teme pujq'ueme. Jich me bayal sc'oplal ta co'tan te chijetic cu'une. Ya me jcoltay loq'uel te banti pujq'uemic bael te jun c'aal ijc'uben q'uinal yu'un te bayal tocale.

Oseas 1:10

Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

San Lucas 15:8

“Teme ay jtul ants te ay lajunsejp dracma staq'uine, ¿bi xi' yo'tan yu'un teme ya xch'ay junuc dracma yu'une? ¿Ma bal yacuc stsum c'ajc' yil, soc ma bal yacuc smes ta lec te snae yu'un ya sle te staq'uin ch'ayeme? Ja' to ya xlaj yo'tan a teme la stae.

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

San Juan 1:12

Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 12:32

Te c'alal ya quich' jijp'anel ta balumilale, ya me quic' tel ta jtojol spisil ants-winiquetic —xi'.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

Romanos 3:29

Melel te Diose ¿Ja' nax bal Dios yu'un te judioetique? ¿Ma bal ja'uc Dios yu'un uuc te jyanlumetique? Ja' na'ax Dios yu'unic uuc te jyanlumetique.

Romanos 4:17

Jich bit'il ts'ibubil ta Sjun te Diose: “La cac'at ta tatil yu'un spisil nacionetic”, te xie. Ja' in to, ja' te Dios te la xch'uun te Abrahame, te ya yac' cuxinuc xan te animaetique soc te ya yac' chicnajuc te bila ma to chicanuque.

Efesios 1:5

Ta swenta xc'uxul yo'tan, te xjajch'ibal to chapal yu'un Dios te ya yic' yal-snich'aninotic ta swenta te Jesucristoe. Bayal sbujts' yo'tan te la yic'otic ta swenta te sc'anjel yo'tane.

Efesios 3:11

Jich la spas te Diose, te xchapoj ta yo'tan swenta sbajt'el q'uinal stuquel. Ja' la yac' c'otuc ta pasel ta swenta te Cajwaltic Jesucristoe.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

1 Pedro 1:1

Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.