San Juan 11:47 - Bible in Tzeltal de Oxchuc y Tenejapa

⁴⁷ Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

Nuevo Testamento Tzeltal de Amatenango

⁴⁷ Jich te fariseoetike sok te stataletik yuꞌun te saserdoteetike la stsob sbaik sok te machꞌa ay yaꞌtele. La yalik: —¿Tut ya skꞌan jpastik yuꞌun? Te winik to yipal ta spasel bayal señaetik smilagro.

Bible in Tzeltal Bachajón

⁴⁷ Ha yu'un te principal sacerdotehetic soc te fariseohetic la stsobic te jchahpanwanejetic, hich la yalic: ¿Bin ya cutic? como bayel señahiletic yac spasticlambel te winique.

San Juan 11:47 ပူးပေါင်းရင်းမြစ်များ

San Mateo 26:3

Ja' yorail te la stsob sbaic te jwolwanej-sacerdoteetique soc te jts'ibojometic soc te principaletic yu'un te lume. Tey la stsob sbaic a ta bay yamac'ul sna te muc' sacerdote Caifase.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

San Marcos 14:1

Cheb xanix c'aal sc'an xjajch' te q'uin Pascuae soc te ya swe'ic te waj te ma'yuc levadura yich'oje. Te jwolwanej-sacerdoteetic soc te jts'ibojometic, yacalic ta snopel te bi ya yut ya stsaquic ta muquen te Jesuse, swenta yu'un ya smilic.

San Lucas 22:2

Te jwolwanej-sacerdoteetic soc te jts'ibojometique, yacalic ta sleel ta muquen te bit'il ya xju' ya smilic te Jesuse, yu'un ja' ya xi'ic te lume.

San Juan 11:57

Te fariseoetique soc te jwolwanej-sacerdoteetic yalojiquix mandal te ya me yalic teme ay mach'a ya sna' ta banti ay te Jesuse, swenta yu'un ya me xba stsaquic tel.

San Juan 12:19

Jich te fariseoetique caj yalbey sbaic: —Ilawil, ma staq'uix ta comel. Melel spisil te lume bajt'iquix ta stojol te Jesuse —xiic.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 6:2

Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Juan 7:32

Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

San Juan 7:45

Te policiaetic yu'un te temploe sujt'ic bael ta banti ay te fariseoetic soc te jwolwanej-sacerdoteetique. Jich la sjojc'obeyic te policiaetique: —¿Bi yu'un ma la awiq'uic tel? —xiic.

Hechos 5:21

Te bit'il jich albotic la yaiyique, ta sacubel to q'uinal a ochic ta templo. Jajch'ic ta p'ijubteswanej. Te c'alal ayiquix ta templo a, te muc' sacerdote soc te mach'atic sjoinej sba soque, la yal mandal te ya stsob sba te Muc'ul Tsobleje, ja' bi ja' spisil te principaletic te yich'oj yat'elic yu'un te lum Israele. La sticun ta iq'uel loq'uel tel ta chucjibal te jpuc-c'opetique.

Hechos 5:24

Te c'alal la yaiyic stojol in to, te muc' sacerdote soc te jwolwanej-canan-templo soc te jwolwanej-sacerdoteetique, jajch' yaanic bit'il ya xc'ot ta loq'uel.