San Juan 11:4 - Bible in Tzeltal de Oxchuc y Tenejapa

⁴ C'alal la yaiy stojol te Jesuse, jich la yal: —Ja' in chamel to ma swentauc lajel. Swenta yu'un ya x'ac'ot ta ilel yutsilal a te Diose, soc swenta yu'un ya x'ac'ot ta ilel yutsilal uuc te Snich'ane —xi' te Jesuse.

Nuevo Testamento Tzeltal de Amatenango

⁴ Kꞌalal la yaꞌi te Jesuse la yal: —Te chamel te tabil ae makꞌ xcham yuꞌun. Yuꞌun nax ya xꞌakꞌot ta ilel slekil a te Diose, sok ya me xꞌakꞌot ta ilel slekil euk te xNichꞌan Diose —xchi te Jesuse.

Bible in Tzeltal Bachajón

⁴ C'alal la ya'iy te Jesús, hich la yal: Te chamel yich'oj, ma yu'unuc ya xcham yu'un, ha ya x'ich'ot ta muc' a te Diose, scuenta yu'un ha ya x'ich'ot ta muc' a te Snich'an Dios, xchi.

San Juan 11:4 ပူးပေါင်းရင်းမြစ်များ

Éxodo 16:7

ta sab to ya me awilbeyic xojobil yutsilal te Cajwaltique, melel la yaiy stojol te c'alal c'opojex ta scontroinele. Yan te jo'otique, ¿mach'a ya acuyotic a te ya awutotique? —xi'.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 11:40

Te Jesús jich la yalbey: —¿Yu'un bal ma la calbat teme jc'axel ya ach'uune, ya me awilbey yutsilal te Diose? —xi'.

San Juan 12:28

Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

San Juan 17:1

C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 17:10

Spisil te bila ay cu'une, ja'at awu'un uuc. Te bila ay awu'une, ja' cu'un uuc. Soc te cutsilale ac'ot ta ilel ta swentaic.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 8:54

La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Juan 9:3

La yal te Jesuse: —Ma scajuc smul, soc ma scajuc smul sme'-stat. Yu'un nax ya x'ac'ot ta ilel yat'el Dios ta swenta.

Romanos 11:11

Jich ya cal in to: ¿Yu'un bal jc'axel yalic yu'un te bit'il la sc'ojch'in yacanic te judioetique? ¡Ma jichuc! Melel ta swenta bit'il la xc'axintayic mandal te tal colel ta stojol te jyanlumetique, swenta xjajch'ib sbic'tal yo'tanic c'ot te judioetique.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Filipenses 1:20

Ja' nax bayal sc'oplal ta co'tan te manchuc ayuc bila ya jta q'uexlal yu'un, soc te jamaluc co'tan ya xc'opojon jich nix te bit'il ayon tel spisil orae. Jich me c'axem to xan ya x'ich'ot ta muc' ta jwenta te Cristoe. Chican teme ya to xcuxinone, o teme tey ya xlajonix ae.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

1 Pedro 4:11

Te mach'a ya sna' lec aiyeje, ja' me ac'a xchol te bila yaloj te Diose. Te mach'a ya sna' abatinele, ac'a me yac' sba ta abatinel soc yip sbaq'uetal te ya x'ac'bot yu'un te Diose. Jich yu'un spisil te bila ya spasique, ja'uc me lec sc'oplal ya xc'ot yu'un te Diose ta swenta te Jesucristoe te sbajt'el q'uinal ay yutsilal soc yu'el ya xmandalaj stuquel. Jichuc.

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.