San Juan 11:27 - Bible in Tzeltal de Oxchuc y Tenejapa

²⁷ La yal te Martae: —Jich, Cajwal. Jch'uunej te ja'at Cristoat te Snich'anat Dios te talemat ta balumilale —xi'.

Nuevo Testamento Tzeltal de Amatenango

²⁷ La yal te xMartae: —Jich, Kajwal. Jchꞌuunej te jaꞌat Cristoat te xNichꞌanat te Diose te kaꞌiyejbetik sluwar te ya xtal ta balmilale —xchi.

Bible in Tzeltal Bachajón

²⁷ Hich, Cajwal; jch'uhunej te ha'at Cristohat, te Snich'anat Dios, te talemat ta bahlumilal, xchi.

San Juan 11:27 ပူးပေါင်းရင်းမြစ်များ

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Mateo 11:3

Jich c'o sjojc'oyic ta stojol: —¿Ja'at bal Cristoat te albil sc'oplal ya xtale? ¿O ay to bal yan te ya jmaliytic xane? —xiic.

San Mateo 16:16

La yal te Simón Pedroe: —Ja'at Cristoat te Snich'anat te cuxul Diose —xi'.

San Mateo 16:20

Soc la spas ta mandal te jnopojeletic yu'un te ma me mach'a ya yalbeyic jtuluc te ja' te Cristo te Jesuse.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 4:42

Jich caj yalbeyic ts'iin te antse: —Ta ora to la jch'uuntiquix. Ma ja'uquix ta swenta te bila la awalbotic te ja'ate, melel jo'otic la caiytiquix stojol te sc'ope. Jich la jna'tiquix te melel nix a te ja'ix te Cristo te Jcoltaywanej yu'un spisil te mach'atic ayic ta balumilale —la yutic.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 6:69

Te jo'otique xch'uunej co'tantic soc jna'ojtic stojol te ja'at Cristoat te Snich'anat te cuxul Diose —xi'.

Hechos 8:36

Te c'alal yacalic ta beele, ay ja' la staic. Jich la yal te eunucoe: —Ilawil, ay ja' li'to. ¿Ya bal xju' te ya quich' ja'e? —xi'. [

Hechos 8:37

Te Felipe la yalbey: —Teme spisil awo'tan ya ach'uune, ya nax xju' te ya cac'bat awich' ja'e —xi'.] Jich la yal: —Jch'uunej te ja' Snich'an Dios te Jesucristoe —xi'.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.