San Juan 11:19 - Bible in Tzeltal de Oxchuc y Tenejapa

¹⁹ Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.

Nuevo Testamento Tzeltal de Amatenango

¹⁹ Talemik bayal juriyoetik ta yulutayel te xMartae sok te xMariae yuꞌun tal sjunutesbe yoꞌtan te yuꞌun cham te yijtsꞌine.

Bible in Tzeltal Bachajón

¹⁹ tsobol judíohetic talem yilbelic te Marta soc te María scuenta yu'un ya smuc'ubtesbeyic q'uinal ya'iyic yu'un te cham te sbanquilique.

San Juan 11:19 ပူးပေါင်းရင်းမြစ်များ

Génesis 37:35

Tal ta muc'tesel q'uinal yaiy yu'un te snich'nabe; ja'uc me to, ma ba muc'ub q'uinal la yaiy yu'un. La yal: —Mero ma xcom te jmel-o'tan ya caiy yu'un te jnich'ane, ja' to teme ba join ta bay mach'atic lajemique —xi'. Jich yu'un jujun c'aal ay ta oq'uel te state.

2 Samuel 10:2

Te David jich la yal ta yo'tan: “Ja' lec teme jich nix lec co'tan ta stojol te Hanún snich'an Nahas te bit'il lec yo'tan ta jtojol te anima state”, xi'. Jich la sticun abatetic, swenta yu'un ya me yalbey te Hanún te pajal smeloj yo'tan soc yu'un te laj state. Pero te c'alal c'otic te abatetic yu'un David ta sq'uinal amonetique,

1 Crónicas 10:12

la xchap sbaic spisil te winiquetic te ma xiwique, ba yich'beyic tel sbaq'uetal Saúl soc snich'nab c'alal ta lum Jabes. Tey la smucbeyic sbaq'uetalic a ta yet'al jijte'. Ay juqueb c'aal la scom swe'elic yu'un mel-o'tan.

Job 2:11

Te Job ay oxeb te mach'atic jun yo'tan sba soque: Elifaz, talem ta sq'uinal Temán; Bildad, talem ta sq'uinal Súa; Zofar, talem ta sq'uinal Naamat. Te c'alal la yaiyic te ay swocol te Job, la xchapic te ya xba smuc'ubtesbeyic q'uinal yaiy, soc te ya xba sjoinic ta sc'asesel xc'uxul te swocole.

Job 42:11

Jich bajt' ta ula'tayel yu'un spisil te yermanotac winiquetic antsetic, soc te mach'atic jun yo'tan sba soque, ta spisil te mach'atic ya xna'bot sba yu'un ta namey tele. Ta comon la stsob sbaic ta we'el swenta q'uin ta sna te Job. La smuc'ubtesbeyic q'uinal yaiy: “Pajal c'ux la caiytic te wocol la sticunbat ta atojol te Cajwaltique”, xiic ta stojol. Ta juju-jtul la yac'beyic taq'uin soc jujun ch'ocowil oro.

Eclesiastés 7:2

Ja' lec te bael ta muquenale; ma ja'uc lec te pas-q'uine. Melel te lajele, ja' slajibal spisil ants-winiquetic; te mach'atic cuxulique ya me sc'an ya sna'ic.

Isaías 51:19

Ja' tal ta atojol cheb woclajel: ja' te la yich' jinel te alumal soc la yich' pojel loq'uel te sbiluquile, soc ja' te lajic yu'un wi'nal soc ta guerra te ajo'taque. ¿Mach'a a te ya sna'bat yo'bolil aba? ¿Mach'a a te ya smuc'tesbat q'uinal awaiye?

Lamentaciones 1:16

Ja' ya yac'on ta oq'uel, nojelic ya'lel jsit yu'un. Melel ma'yuc mach'a ya smuc'tesbon co'tan; ma'yuc mach'a ya yac'bon xan yach'il yip te co'tane. Te jnich'nabe la yich'ic jinel; melel te jcontro, c'ax to xan ju' yu'unic a te bit'ilotique.

Lamentaciones 1:2

Ma xcom ta oq'uel jujun ajc'ubal; xbalet nax ya'lel sit ta yelaw. Ma'yuc jtuluc te mach'atic la smulan ta sbabial te ya xmuc'tesbot q'uinal yaiy yu'une. Spisilic te sjo'taque, chebaj yo'tanic ta stojol, te c'atp'ujic ta scontrotac.

Lamentaciones 1:21

Te ants-winiquetic ya yaiybonic stojol te coq'uele; ja'uc me to, ma'yuc mach'a ya smuc'tesbon co'tan. Spisilic te jcontrotac yilojic te jwocole, ya xbujts'naj yo'tanic yu'un te la awac'on ta woclajele. Ac'a taluc sc'aalelal te bit'il awalojbey sc'oplale; ac'a bajt'uc jich ta stojolic te bit'il c'ot ta jtojole.

Lamentaciones 1:9

Boloben te sc'u'e, ma la sna' te ay swocol ya xc'ot yu'une. Ma'yuc ta ch'uunel yaiyel te bit'il yalemixe; ma'yuc mach'a ya smuc'tesbey q'uinal yaiy. Ya yal: “Ilawilon, Cajwal, peq'uelonix, soc toyol yac'oj sba ta jtojol te jcontroe”, xi'.

Lamentaciones 2:13

Jerusalén te t'ujbilate, ¿bila ya xju' ya jpajat soc? ¿Bila ya xju' ya jmuc'tesbat awo'tan a, ja'at Sión te ma bolobenucat soc awutsilal ta neelale? Muc' ta jyalel te ajinel, jich bit'il smuc'ul mar; ¿mach'a ya xju' yu'un ya slamantesbat q'uinal awaiy?

San Lucas 10:39

Te Martae ay yijts'in María sbiil te tal snajc'an sba ta bay nopol yacan te Jesuse, yu'un ya yaiybey stojol te sc'ope.

San Lucas 10:42

Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 11:1

Ay jtul winic te ay ta chamel te Lázaro sbiil te ay ta Betania. Ja' slumal te María soc uuc te xwixe ja' te Martae.

San Juan 11:31

Te judioetic te talemic smuc'tesbel q'uinal yaiyique la yilic te bit'il ora jajch' bael te María. Jich la sts'aclinic bael, yu'un la scuyic te ya xba oc'uc ta smuquenal te Lázaroe.

San Juan 11:33

C'alal Jesús la yil te yac ta oq'uel te María soc uuc te judioetic te ts'aclinbilic tel yu'une, bayal la smel yo'tan yu'un uuc.

San Juan 11:36

Te judioetic la yalbey sbaic: —¡E! Bayal c'ux ta yo'tan —xiic.

San Juan 11:45

Te judioetic te sjoinejic tel te Mariae ay tsobol la xch'uunic te Jesuse, scaj te la yilic te bila la spase.

San Juan 11:8

La yalic te jnopojeletique: —Maestro, ach' to nax c'an smilat ta ch'ojel ta ton tey a te judioetique. ¿Bistuc ya xcha'baat xan tey a? —xiic.

Romanos 12:15

Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele.

2 Corintios 1:4

Ja' ya smuc'tesbotic q'uinal caiytic ta jpisiltic te c'alal ayotic ta woclajele, swenta yu'un jich me ya xju' cu'untic te ya jmuc'tesbeytic q'uinal yaiyic yantic uuc te c'alal ayic ta woclajele. Te bila la smuc'tes q'uinal caiytic a te Diose, ja' nix ya cac'beytic xmuc'ub q'uinal yaiyic a te yantique.

1 Tesalonicenses 4:18

Jich yu'un, jech muc'tesbeya aba q'uinal awaiyic ta apisilic a ta swenta in c'op to.

1 Tesalonicenses 5:11

Jich yu'un, talel c'axel jech muc'tesbeya aba q'uinal awaiyic a, soc jech ac'beya aba yip awo'tanic a, jich te bit'il yacalex ta spasele.

1 Samuel 31:13

Patil la smucbeyic te sbaquelic ta Jabes ta ye'tal te'. C'alal laj yo'tanic ta smuquel, la scom swe'elic juqueb c'aal.