San Juan 10:8 - Bible in Tzeltal de Oxchuc y Tenejapa

⁸ Spisil te mach'atic neel talic cu'une j'eleq'uetic soc j'uts'inwanejetic stuquelic, ja'uc me to, te chijetique ma la sc'an yaiybeyic stojol te sc'opique.

Nuevo Testamento Tzeltal de Amatenango

⁸ Spisil te machꞌatik nail a laj tal kuꞌune jꞌelekꞌetik y sok jꞌilbajinwanejetik. Pero te karneraetike maꞌ yakꞌik ta jkuenta.

Bible in Tzeltal Bachajón

⁸ Spisil te mach'atic nahil talic cu'un, ha j'eleq'uetic soc j'uts'inwanejetic stuquelic, pero ma ba a'iybot sc'opic yu'un te tuminchijetique.

San Juan 10:8 ပူးပေါင်းရင်းမြစ်များ

Jeremías 23:1

Te Cajwaltic jich ya yal: —Obol sbaic te jcanan-chijetic te ya yijq'uitayic te chijetic cu'un, te ya xch'ayic soc te ya xpujq'uic baele —xi'.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.

Sofonías 3:3

Te jtsobwanejetic awu'un jich ya x'awunic te bit'il león-choj; te jchajbanwanejetic awu'un jichic te bit'il ja'mal ts'i'ta jochol taquin q'uinal, ma'yuc jch'ixuc bac ya yijq'uitay ta swenta te pajele.

Zacarías 11:16

Melel ya me cac' ochel jtul jcanan ta stojol te lumq'uinal te ma'yuc sc'oplal ta yo'tan te chijetic ya xjowejic baele, soc ma ba ya sle te jayeb ch'ayemique, ni yacuc xpoxtay te jayeb ejch'enajemique, soc ma ba la yac'bey swe'elic te jayeb lajem yipique. Ja' nax ya me sti'bey sbaq'uetal te banti ay mero jujp'enic, ni slots'uc ya yijq'uitaybey.

San Juan 10:1

Soc la yal xan te Jesuse: —Jamal ya calbeyex, te mach'a ma ti'corraluc ya x'och bael ta scorral te chijetique, ja' me j'elec' abi, ja' me j'uts'inwanej abi, melel bayuc ya xwil ochel ta corral.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Juan 10:5

Yan teme ma ja'uc te yajwale, ma sc'an sts'aclinic bael. Ya x'anic bael yu'un, melel ma sna'beyic te sc'ope —xi' te Jesuse.

Hechos 5:36

Te ja'exe, ya sc'an ya ana'ic te Teudas te ayix ja'wil te la yac' sba ta ich'el ta muq'ue. La stsob swinictac te ay niwan bajc' (400) ta jtul winiquetic te tal ta joinel yu'une. Ja'uc me to, la yich' milel stuquel. Jich pujq'uic bael spisil te sjo'taque, soc tey laj sc'oplal a.