San Juan 10:41 - Bible in Tzeltal de Oxchuc y Tenejapa

⁴¹ Tsobol tal yilic. Jich la yalic: —Manchuc teme ma'yuc señail la spas te Juane, ja'uc me to, smelelil te bila la yalbey sc'oplal in winic to —xiic.

Nuevo Testamento Tzeltal de Amatenango

⁴¹ Bayal genteetik a ba yilik, y la yalik: —Te Juane maꞌyuk a spas seña milagroetik jich tutꞌil to; pero batsꞌi jich spisil te tuti yalbe skꞌoplal te winik to —xchiik.

Bible in Tzeltal Bachajón

⁴¹ Tsobol talic ta stojol, hich la yalic: Melel te Juan mayuc seña la spas stuquel; pero spisil te bin la yal te Juan sc'oblal te winic ini, melel nix a, xchihic.

San Juan 10:41 ပူးပေါင်းရင်းမြစ်များ

San Mateo 14:2

Soc jich caj yalbey yaiy te abatetic yu'une: —Ja' in to ja' te Juan J'ac'-ich'ja'e. Cha'cuxemix tel ta bay animaetic. Ja' swentail te ayix yu'el ta spasel spisil in to —xi'.

San Marcos 1:37

Te c'alal la staique, jich la yalbeyic: —Tsobol me mach'a ya sleat —xiic.

San Lucas 12:1

Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Lucas 5:1

Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

San Juan 1:27

Ja' in to, ja' te mach'a patil ya xtal cu'une, jichon ta stojol ya caiy te bit'il ma'yuc jtuul ta jyalele. Ni yacuc xju' ya jtilbey sc'ab te xanabe —xi' te Juane.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.