San Juan 10:4 - Bible in Tzeltal de Oxchuc y Tenejapa

⁴ Te c'alal loq'uemix ta corral spisil te chijetic yu'une, ya xneelaj bael yu'unic. Te chijetique ya sts'aclinic bael, melel ya sna'beyic sba te sc'ope.

Nuevo Testamento Tzeltal de Amatenango

⁴ y te kꞌalal lokꞌemix bael spisil ae, ya xnalaj bael te jkanane. Te karneraetike ya stsꞌakliyik bael, yuꞌun ya snaꞌbeyik sba te skꞌope.

Bible in Tzeltal Bachajón

⁴ Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

San Juan 10:4 ပူးပေါင်းရင်းမြစ်များ

Cantares 2:8

Talix te mach'a bayal jmulaneje. Chicanix ya caiy te sc'ope. Talix ta wilawetel ta baba witstiquil, Talix ta wilawetel ta sba tseletic.

Cantares 5:2

Wayon, pero ma ba way stuquel te co'tane. La caiy yac ta ic'aw ta ti'nail te mach'a bayal mulanbil cu'une: “Jama te ti'nail, ja'at te bayal ya jmulanate; jch'ielat, mero ach'ix stsumutat cu'un. Te jole ach'em ta ts'ujul. Te ts'ujul ta ajc'ubale, yac ta oc ta stsotsil jol”, xi' la caiy.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Juan 10:3

Te jcanan-ti'corrale ya sjambey sti' te corrale. Te chijetique ya sna'beyic sc'op te jcanan-chije. Jich ya yic'tilay ta sbiilic te chijetic yu'une. Ya sloq'ues bael ta corral.

San Juan 10:5

Yan teme ma ja'uc te yajwale, ma sc'an sts'aclinic bael. Ya x'anic bael yu'un, melel ma sna'beyic te sc'ope —xi' te Jesuse.

San Juan 10:8

Spisil te mach'atic neel talic cu'une j'eleq'uetic soc j'uts'inwanejetic stuquelic, ja'uc me to, te chijetique ma la sc'an yaiybeyic stojol te sc'opique.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 13:15

Melel la cac'beyex awilic swenta yu'un jich me ya apasic uuc te bit'il la jpas awilique.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

1 Corintios 11:1

Ja' me xanopic spasel te bila ya jpase, jich te bit'il la jnopbey te bila la spas te Cristoe.

Efesios 5:1

Te bit'il yal-snich'anex Dios te bayal c'uxex ta yo'tane, nopbeyaic me te yo'tane.

Deuteronomio 1:30

Te Cajwaltic te Dios cu'untic, ja' neel yac ta beel ta atojolic. Ja' me ya x'och ta guerra awu'unic stuquel, jich nix te bit'il la spas la awilic ta Egipto,

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

Hebreos 6:20

Ja' te banti ochemix te Jesuse, swenta yu'un ya sjambotic te sbelale. Jich Muc' Sacerdote c'oemix sbajt'el q'uinal, te ja' la yich'bey yat'el te Melquisedeque.

1 Pedro 2:21

Ja' la yiq'uex Dios yu'un te jun awo'tan ya ats'ic awocolique. Melel te c'alal c'ax swocol ta jwentatic te Cristoe, tey la yac'botic quiltic te bit'il ya sc'an te ya xc'ax jwocoltic uuc te jo'otique.

1 Pedro 4:1

Jich yu'un, te bit'il c'ax swocol ta sbaq'uetal ta jwentatic te Cristoe, ja' ya sc'an te jichuc co'tantic uuc te bit'il yo'tan stuquele. Yu'un te mach'a c'axix swocol ta sbaq'uetale, jich la stsalix te mulile.

1 Pedro 5:3

Ma me xacuy abaic ta ajwalil ta stojol te mach'atic acanantayejique. Yu'un ja' ejemploex yu'un te chijetique.