San Juan 10:31 - Bible in Tzeltal de Oxchuc y Tenejapa

³¹ Jich yu'un te judioetique la xcha'leic ton xch'ojic a te Jesuse.

Nuevo Testamento Tzeltal de Amatenango

³¹ Te juriyoetike la xchaꞌtamtalanik ton yuꞌun ya swolik ta ton te Jesuse.

Bible in Tzeltal Bachajón

³¹ Ha yu'un te judíohetic la scha'tamic xan ton yu'un ya sch'ojic a te Jesús,

San Juan 10:31 ပူးပေါင်းရင်းမြစ်များ

Éxodo 17:4

Te Moisés la sc'opon te Cajwaltique, jich la yalbey: —¿Bi ya jpas soc te lume? Jteb xan meix ma smilonic ta ton —xi'.

San Mateo 12:14

Jich te fariseoetique loq'uic bael. Ba snopic te bi ya yut ya smilic te Jesuse.

San Mateo 21:35

In te j'at'eletique la stsaquic te abatetique. Jtul la smajic, jtul la smilic, soc jtul la xch'ojic ta ton.

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 10:24

Jich te judioetique la stsob sbaic tel ta sjoytayel. Jich la yalbeyic: —¿Jayeb xan c'aal te ya awac' ayanuc co'tantic awu'une? Teme ja'at te Cristoate, albotic ta jamal caiytic —xiic.

San Juan 10:32

Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

San Juan 11:8

La yalic te jnopojeletique: —Maestro, ach' to nax c'an smilat ta ch'ojel ta ton tey a te judioetique. ¿Bistuc ya xcha'baat xan tey a? —xiic.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 8:59

Jich yu'un la stsaquic ton xch'ojic a te Jesuse, ja'uc me to, la snac' sba. Loc' ta templo. C'ax ta yolilic. Jich bajt'.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.