San Juan 10:25 - Bible in Tzeltal de Oxchuc y Tenejapa

²⁵ Te Jesús la yal: —La calbeyex, ja'uc me to, ma x'ac'an ach'uunbonic jc'op. Te at'eliletic ya jpas ta swenta sbiil te Jtate, ja' testigoetic cu'un.

Nuevo Testamento Tzeltal de Amatenango

²⁵ Te Jesuse la sakꞌtalanbe: —La kalbeyexix te jaꞌexe, y ma la achꞌuunbikon. Te tut ya jpas ta skuenta te jTate jamal ya yakꞌ ta ilel.

Bible in Tzeltal Bachajón

²⁵ La sjac' te Jesús: La jcalbeyexix, pero ma ba yac ach'uhunic. Ha testigo cu'un te a'teliletic yacon ta spasel ta scuenta sbihil te Jtate.

San Juan 10:25 ပူးပေါင်းရင်းမြစ်များ

San Juan 10:32

Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

San Juan 10:37

Teme ma pajaluc soc yat'el Jtat te bila ya jpase, ma me xach'uunbonic te bila la cal jiche.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 11:47

Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

San Juan 12:37

Manchuc teme bayal ta jchajp te señailetic la spas ta stojolic te Jesuse, ma ba c'ot ta yo'tanic te mach'a a,

San Juan 14:11

C'otuc ta awo'tanic te ayon ta stojol te Jtate; te Jtate ay ta jtojol uuc. O teme ma spas awaiyique, ja' me xach'uunonic yu'un te at'eliletic ya jpase.

San Juan 20:30

Ay to bayal xan señaetic la spas te Jesús ta stojol te jnopojeletic yu'un te ma ba och ta ts'ibuyel li'to.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 7:31

Ja'uc me to, ay tsobol mach'atic la xch'uunic soc la yalic: —Te c'alal ya xtal te Cristoe ¿c'ax to bal jich yipal señailetic ya yac' ta ilel te bit'il in winic to? —xiic yu'un.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 8:24

Ja' swentail te la calbeyex te acuchoj amul ya xlajexe. Teme ma x'ac'an ach'uunic te jtalel ayone, acuchoj amulic ya xlajex —xi'.

San Juan 8:56

Te namey q'uinal jtatic Abrahame bin nax sbujts' yo'tan yu'un te la sta yorail te talon ta balumilale. La yil te bit'il talone, jich bayal bujts'naj yo'tan yu'un —xi'.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.