San Juan 10:18 - Bible in Tzeltal de Oxchuc y Tenejapa

¹⁸ Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

Nuevo Testamento Tzeltal de Amatenango

¹⁸ Maꞌyuk machꞌa ya spojbon te jkuxlejale yuꞌun joꞌon mismo ya kakꞌ jba ta milel. Ya xjuꞌ ya kakꞌ jba ta milel sok ya xjuꞌ ya jchaꞌichꞌon xan te jkuxlejale. Jich spasojon tal ta mantal te jTate —xchi te Jesuse.

Bible in Tzeltal Bachajón

¹⁸ Mayuc mach'a ya smilon, ho'on nix ya cac' jcuxlejal ta sc'anojel co'tan. Ay ta jcuenta ya cac' te jcuxlejal soc ay ta jcuenta te ya jcha'ich' xan te jcuxlejal. Hich pasbilon ta mandar yu'un te Jtate, xchi.

San Juan 10:18 ပူးပေါင်းရင်းမြစ်များ

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 10:17

“Te Jtate c'uxon ta yo'tan yu'un te bit'il ya cac' jba ta lajel, swenta yu'un ya jcha'quich' xan jcuxlejal.

San Juan 14:31

Swenta yu'un ya me sna'ic te mach'atic ayic ta balumilal te c'ux ta co'tan te Jtate, ya jpas te bila yalojbon ta mandale. Jajch'anic, ya xbootiquix —xi' te Jesuse.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

San Juan 5:26

Melel te Tatil cuxul ta stuquel, soc ja' nix jich yac'ojbey ta swenta te Snich'anile, jich nix cuxul ta stuquel uuc.

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

Hechos 2:24

Ja'uc me to, Dios la xcha'cuxes tel te la scoltay loq'uel ta bay xc'uxul te lajele, melel te lajele, ma xju' te jc'axel ya yu'unine.

Hechos 2:32

Ja' bi ja' te Jesuse, te cha'cuxesot tel yu'un te Diose. In te jo'otique, jpisiltic testigootic yu'un te jich c'ot ta pasele.

Hechos 3:15

Jich la amilic te mach'a J'ac'cuxlejale, ja'uc me to, Dios la xcha'cuxes tel ta bay te animaetique. In te jo'otique, ja' testigootic yu'un.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.