San Juan 10:16 - Bible in Tzeltal de Oxchuc y Tenejapa

¹⁶ Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

Nuevo Testamento Tzeltal de Amatenango

¹⁶ Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

Bible in Tzeltal Bachajón

¹⁶ Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

San Juan 10:16 ပူးပေါင်းရင်းမြစ်များ

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Eclesiastés 12:11

Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Isaías 56:8

Ya me cac' sujt'uc tel soc te ya stsob sbaic te mach'atic ayic to ta yan q'uinal —xi' te Cajwaltique. Ja' ya yal te Cajwaltic, te ya yac' stsob sbaic tel te israeletic te pujq'uemique.

Ezequiel 34:12

Te jcanan-chij bayal sc'oplal ta yo'tan stsobel tel te chijetic yu'un teme pujq'ueme. Jich me bayal sc'oplal ta co'tan te chijetic cu'une. Ya me jcoltay loq'uel te banti pujq'uemic bael te jun c'aal ijc'uben q'uinal yu'un te bayal tocale.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Ezequiel 34:6

Pujq'uic bael ta witstiquil, pujq'uic bael ta toyol tseletic, ch'ayic bael ta spamal balumilal. Ma'yuc mach'a la smel yo'tan yu'un, soc ma'yuc mach'a ba sle tel.

Ezequiel 37:22

Jun nax me nación ya cac' ainuc ta lumq'uinale, ta witstiquil yu'un Israel. Jun nax me muc' ajwalil yu'unic ya xc'otic. Ma ba ya spasix sbaic ta cheb nacionetic, soc ma me chebuc ajwaliletic yu'unic ya x'ainic.

Ezequiel 37:24

Ja' me muc' ajwalil soc jcanan yu'un ta spisil stuquel te cabat David. Ya xch'uunbonic jc'op, ya me spasic spisil te mandaliletic cu'une.

Oseas 1:10

Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Lucas 15:8

“Teme ay jtul ants te ay lajunsejp dracma staq'uine, ¿bi xi' yo'tan yu'un teme ya xch'ay junuc dracma yu'une? ¿Ma bal yacuc stsum c'ajc' yil, soc ma bal yacuc smes ta lec te snae yu'un ya sle te staq'uin ch'ayeme? Ja' to ya xlaj yo'tan a teme la stae.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 10:2

Yan te mach'a ya x'och bael ta ti'corrale, ja' jcanan-chij stuquel abi.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Juan 10:3

Te jcanan-ti'corrale ya sjambey sti' te corrale. Te chijetique ya sna'beyic sc'op te jcanan-chije. Jich ya yic'tilay ta sbiilic te chijetic yu'une. Ya sloq'ues bael ta corral.

San Juan 10:4

Te c'alal loq'uemix ta corral spisil te chijetic yu'une, ya xneelaj bael yu'unic. Te chijetique ya sts'aclinic bael, melel ya sna'beyic sba te sc'ope.

San Juan 10:5

Yan teme ma ja'uc te yajwale, ma sc'an sts'aclinic bael. Ya x'anic bael yu'un, melel ma sna'beyic te sc'ope —xi' te Jesuse.

San Juan 11:52

Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

San Juan 17:20

“Ma ja'uc nax ya calbat wocol yu'un te mach'atic xch'uunejone, ja' ya calbat wocol yu'un uuc te mach'atic patil ya xch'uunonic ta swenta bi ya xcholic te mach'atic xch'uunejonixe.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

Hechos 15:14

Te Simone la yalix caiytic te bit'il jajch' ta at'el Dios ta stojol te jyanlumetique, swenta yu'un ya stsa te mach'a lum ya xc'ot yu'un uuc.

Hechos 18:10

melel joinejat. Ma'yuc mach'a ya xyal sc'ab te ay bila amen ya spasbate, yu'un ay bayal ta jtul te mach'a cu'un li'to ta bay in lum to —utot yu'un.

Hechos 22:14

Jich la yalbon xan: “Te Dios yu'un te me'il-tatiletic cu'untique, tsabilat yu'un ta neelal to, swenta yu'un ya me ana' stojol te bila sc'anjel yo'tane, soc swenta yu'un ya me awilbey sit te Mach'a Toje soc ya me awaiybey stojol sc'op ta ye.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

2 Tesalonicenses 2:13

Jich yu'un, quermanotac, ya sc'an ya calbeytic wocol Dios ta awentaic, te c'uxex ta yo'tan te Cajwaltique, te bit'il xjajch'ibal to stsaojex Dios yu'un te ya xcolexe. Ja' ta swenta te Espíritu te ya xch'ultesbeyex awo'tanique, soc ja' ta swenta te ay xch'uunjel awo'tanic yu'un te smelelil c'ope.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

Apocalipsis 3:20

Aiya me awaiy stojol, teq'uelon ta c'op ta sti' ana. Teme ay mach'a ya yaiybon stojol te jc'ope soc teme ya sjambon te ti'naile, jich ya x'ochon ta sna soc ya me join ta we'el tey a.