San Juan 10:11 - Bible in Tzeltal de Oxchuc y Tenejapa

¹¹ Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

Nuevo Testamento Tzeltal de Amatenango

¹¹ “Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

Bible in Tzeltal Bachajón

¹¹ Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

San Juan 10:11 ပူးပေါင်းရင်းမြစ်များ

2 Samuel 24:17

C'alal la yil David te ch'ul abat te yac smilel ta chamel te yajwal lume, jich la yalbey te Cajwaltic: —Jo'on te jtaoj jmule. Jo'on te ay bi amen jpasoje. ¿Pero bi spasojic te jlumale? Melel ma'yuc smul stuquelic. Ya calbat wocol te jo'ucon ya xc'ot ta jwenta soc mach'atic ay cu'un te castigo awu'une —xi'.

Salmos 23:1

Te Cajwale ja' pastor cu'un; ma'yuc bi ya spasbon falta.

Salmos 80:1

Jcanan-chijat ta stojol Israel, te ya awic' ta beel te José, jich ya awic' ta beel te bit'il jtsojp chijetique, ja'at te ay amuc'ul nactijib ta sba querubinetic, aiybon awaiy jc'op. Lecuc me ta asit te Efraín,

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Ezequiel 37:24

Ja' me muc' ajwalil soc jcanan yu'un ta spisil stuquel te cabat David. Ya xch'uunbonic jc'op, ya me spasic spisil te mandaliletic cu'une.

Miqueas 5:4

Te muc' ajwalil ya me xjajch' scanantay te lum yu'un ta yu'el, ta yutsilal te Cajwaltic te Dios yu'une. Lamal nax me q'uinal ya yaiyic, melel te Cajwaltic muc' me ya xc'ot ta jyalel c'alal ta sti'il te balumilale.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Juan 10:2

Yan te mach'a ya x'och bael ta ti'corrale, ja' jcanan-chij stuquel abi.

San Juan 15:13

Ma'yuc mach'a c'ax jich ay xc'uxul yo'tan bit'il te mach'a ya yac' sba ta lajel yu'un te mach'a jun yo'tan sba soque.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

1 Juan 3:16

Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.