San Juan 1:9 - Bible in Tzeltal de Oxchuc y Tenejapa

⁹ Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

Nuevo Testamento Tzeltal de Amatenango

⁹ Te machꞌa batsꞌi sakil kꞌinal te ya xtil ta stojol spisil te genteetike, ya xtalix ta balmilal.

Bible in Tzeltal Bachajón

⁹ Te smelelil sacal q'uinal te ya sacubtes q'uinal ta stojol spisil ants-winiquetic yac ta talel ta bahlumilal.

San Juan 1:9 ပူးပေါင်းရင်းမြစ်များ

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

San Mateo 6:23

Yan teme amen te asite, scojt'ol abaq'uetal ayat ta ijc' q'uinal yu'un. Teme acuyojic ta saquil q'uinal te ijc' q'uinale, jc'axel ayex ta ijc' q'uinal abi.

San Lucas 11:36

Teme scojt'ol abaq'uetal te ayat ta saquil q'uinal soque, teme ma'yuc xujt'uc ijc' q'uinal tey a, jich me ya awil q'uinal ta lec a jich bit'il teme tilem ta atojol te c'ajq'ue —xi' te Jesuse.

San Juan 1:4

Ja' ya yac' cuxlejal stuquel. In te cuxlejale, ja' te ay saquil q'uinal ta stojolic te ants-winiquetique.

San Juan 1:7

Ja' tal yalbey sc'oplal te luz, swenta yu'un jich me ya xch'uunic te ants-winiquetique.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Juan 6:32

La yalbey te Jesuse: —Jamal ya calbeyex, ma ja'uc Moisés te ya yac' te waj te talem ta ch'ulchane. Ja' te Jtate te ya yac'beyex te waj te talem ta ch'ulchan ta melele.

San Juan 7:12

Ta bay yolil te ants-winiquetique ay tsobol mach'atic yacalic yaanel. Ay la yalic: “Mero lec yo'tan te winique”, xiic. Ay yantic la yalic: “Ban c'an lecuc yo'tan, melel ya slo'lay te lume”, xiic.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

1 Juan 2:8

Ja'uc me to, yu'un nanix ach' mandalil c'oem te ya jts'ibubeyexe, te melel yach'il c'ot yu'un te Cristoe soc yach'il yaquix ta c'oel awu'unic uuc. Jich yaquix ta ch'ayel bael te ijc' q'uinale; ja' yaquix ta xojobajel te mero saquil q'uinale.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.