San Juan 1:6 - Bible in Tzeltal de Oxchuc y Tenejapa

⁶ Ay jtul winic te ticunbil tel yu'un te Diose, Juan te sbiile.

Nuevo Testamento Tzeltal de Amatenango

⁶ Ay jtul winik tikonot yuꞌun te Diose, te Juan sbiile.

Bible in Tzeltal Bachajón

⁶ Ay jtuhl winic ticombil tal yu'un Dios, Juan sbihil.

San Juan 1:6 ပူးပေါင်းရင်းမြစ်များ

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Mateo 11:10

Yu'un ja' nix te mach'a jich ts'ibubil jilel sc'oplal ta Sjun te Diose: “Ya me jneeltes bael ta atojol jtul j'alwanej cu'un, swenta yu'un ya xchajbanbat abe”, te xie.

San Mateo 21:25

¿Mach'a la yac'bey yat'el ta yaq'uel ich'ja' te Juane? ¿Ja' bal te Diose, o ja' bal te winiquetique? —xi'. Jich jajch' yaanic stuquelic: —Teme ya caltic te ja' ac'bot yat'el yu'un te Diose, ya me yalbotic: “¿Bistuc ma la ach'uunic te bila la yale?”, ya me yutotic.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Lucas 1:76

In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Juan 1:33

Ma to jna'ojbey sba uuc, ja'uc me to, te mach'a la sticunon tel ta yaq'uel te ich'ja'e, ja' nix la yalbon stuquel: “Te mach'a ya awil ya xjul ainuc ta stojol te Espíritu ya xcoj tele, ja' me ya yac' ich'ja' ta swenta te Ch'ul Espiritue”, la yuton.

San Juan 3:28

Te jo'one la calbeyex ta jamal te ma jo'ocon te Cristoe. Ja' nax quich'oj tel neeltesel yu'un.

Hechos 13:24

Te c'alal ma to xtal a te Jesuse, te Juan la yalbey yaiy spisil israeletic te sc'oplal ich'ja'e, swenta yu'un ya sujt'es yo'tanic ta stojol Dios.