San Juan 1:51 - Bible in Tzeltal de Oxchuc y Tenejapa

⁵¹ Jesús la yalbey xan: —Jamal ya calbat, ya me awil jamal te ch'ulchane soc ya me awil te ch'ul abatetic yu'un Dios te coel moel ta stojol te Nich'anile —xi' te Jesuse.

Nuevo Testamento Tzeltal de Amatenango

⁵¹ Te Jesuse la yalbe xan: —Jamal ya kalbeyex te jaꞌexe, ya me awilik jamal te chꞌulchane, y te angeletik yuꞌun te Diose ya me awilik te xko xmo ta stojol te Nichꞌanile.

Bible in Tzeltal Bachajón

⁵¹ Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

San Juan 1:51 ပူးပေါင်းရင်းမြစ်များ

Génesis 28:12

Ta swaich la yil ay jun tejc'abal jajch'em ta lum, te sbae c'oem c'alal ta ch'ulchan. Yacal ta moel coel te ch'ul abatetic yu'un Dios tey a.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Mateo 26:24

Melel te Nich'anile puersa me jich ya xc'ot ta swenta te bit'il ts'ibubil jilel ta Sjun te Diose. Ja'uc me to, ya me yil swocol te winic te ya yac' ta c'abal te Nich'anile. Ja' lec te manchuc ayinuc ta q'uinal te winique —xi' te Jesuse.

San Mateo 3:16

C'alal la yich'ix ja' te Jesuse, loc' tel ta ja'. Ora jam te ch'ulchane. La yil coj tel te Espíritu yu'un Dios, jich bit'il stsumut te jul ta stojole.

San Mateo 4:11

Jich te Jesuse, ijq'uitayot yu'un te pucuje. Ja' tal yac' sbaic ta abatinel yu'un te ch'ul abatetique.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

San Mateo 9:6

Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

San Marcos 1:10

Te c'alal loc' nax tel ta ja' te Jesuse, la yil jam te ch'ulchane, coj tel te Espiritue, jich bit'il stsumut te jul ta stojole.

San Marcos 14:62

La yal te Jesuse: —Jo'on abi. Ya me awilic te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchane —xi' te Jesuse.

San Lucas 2:13

Ora chicnaj tsobol yantic ch'ul abatetic ta ch'ulchan. Yacalic ta sc'ajintayel te Diose:

San Lucas 2:9

Chicnaj tel ta stojolic jtul ch'ul abat yu'un te Cajwaltique. Lem tel xojobil Cajwaltic ta sjoyobalic. Bayal xiwic yu'un.

San Lucas 22:43

Ta ch'ulchan chicnaj tel ch'ul abat te tal yac'bey yip yo'tane.

San Lucas 22:69

Ja'uc me to, te Nich'anile, ya me snajc'an sba ta swa'el sc'ab te Dios te Spisil ya xju' yu'une —xi'.

San Lucas 24:4

Bayal xiwic yu'un, ma la sna'ic te bila ya spasique. Ja'uc me to, la yilic ay cheb winiquetic te teq'uelic ta sts'eelique. Xlemet nax te sc'u'-spaq'uique.

San Lucas 3:21

C'alal yac ta yich'el ja' a te lume, tal yac' sba ta ich'ja' uuc te Jesuse. C'alal yac ta sc'oponel Dios a te Jesuse, jam te ch'ulchane.

San Juan 1:50

La yal te Jesuse: —¿Ja' bal la ach'uunon yu'un te la calbat te la quilat ta yanil higo-te', te xoone? C'ax to xan muc' ya awil bael ta patil a in bit'il to —xi'.

San Juan 10:1

Soc la yal xan te Jesuse: —Jamal ya calbeyex, te mach'a ma ti'corraluc ya x'och bael ta scorral te chijetique, ja' me j'elec' abi, ja' me j'uts'inwanej abi, melel bayuc ya xwil ochel ta corral.

San Juan 10:7

Jich yu'un te Jesús la xcha'yalbey yaiyic xan: —Jamal ya calbeyex, jo'on ti'corralon yu'un te chijetique.

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

San Juan 13:38

Jesús la yalbey: —¿Ya bal awac' aba ta lajel cu'un? Jamal ya calbat: Ma to x'oc' mut yo'tic a te ya amucon ta awo'tan oxeb bueltae —la yut.

San Juan 14:12

Jamal ya calbeyex, te mach'a ya xch'uunone, te at'eliletic ya jpase, jich me at'eliletic ya spas uuc. Soc c'ax me jich ya spas stuquel, melel ya xboon ta bay te Jtate.

San Juan 16:20

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Juan 16:23

“Te bi c'aalil ya xc'ot ta pasele, ma me ayuc bi ya ajojc'obonic xan. Jamal ya calbeyex, spisil te bila ya ac'anbey ta jwenta te Jtate, ya me yac'beyex.

San Juan 21:18

Soc jamal me ya calbat, te c'alal jch'ielat to ae, atuquel la alap te ac'u'e soc chican banti la sc'an awo'tan te beenate. Yan te c'alal ya xmamalubate, ja' xanix ya awac' te ac'abe yu'un yan mach'a ya yac'batix alap te ac'u'e, soc tey me ya yic'at bael a te banti ma sc'an te awo'tane —xi'.

San Juan 3:3

Te Jesús jich la yalbey: —Jamal ya calbat, ja' te mach'a ma xcha'ayin xan, ma xju' ya yil te bit'il ay ta ajwalinel te Diose —xi'.

San Juan 3:5

Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 5:27

Soc ac'bot yich' yat'el ta chajbanwanej te Nich'anile.

San Juan 6:26

Te Jesús la yalbey: —Jamal ya calbeyex, ja' nax ya aleonic yu'un te bit'il noj ach'ujt'ic yu'un te waj la awe'ique. Ma ja'uc ya aleonic yu'un te la awilic te jayeb señail cu'el la jpase.

San Juan 6:32

La yalbey te Jesuse: —Jamal ya calbeyex, ma ja'uc Moisés te ya yac' te waj te talem ta ch'ulchane. Ja' te Jtate te ya yac'beyex te waj te talem ta ch'ulchan ta melele.

San Juan 6:47

Jamal ya calbeyex, te mach'atic ya xch'uunonique ya me xcuxinic sbajt'el q'uinal.

San Juan 6:53

Te Jesús jich la yalbey yaiyic: —Jamal ya calbeyex, teme ma ba ya awe'beyic sbaq'uetal te Nich'anile soc teme ma ba ya awuch'beyic te xch'ich'ele, ma ba ya xcuxinex.

San Juan 8:34

Jesús la yalbey: —Jamal ya calbeyex, spisil mach'a ya sleulay smul, ja' ay ta mosoil yu'un te mulile.

San Juan 8:51

Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Hechos 10:11

Ja' la yil te jamal te ch'ulchane soc coj tel ta lum te bila jich yilel te bit'il muc'ul sábana-pac' te chucbil xchanebal te xchiquine.

Hechos 7:56

Jich la yal te Estebane: —Ilawilic, jamal ya quil te ch'ulchane. Tey teq'uel ta bay swa'el Dios ya quil te Nich'anile —xi'.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

2 Tesalonicenses 1:9

Ya me xc'ax swocolic ta castigo ta ch'ayel sbajt'el q'uinal. Ya me yich'ic ch'ojel loq'uel ta stojol te Cajwaltique soc ta bay yutsilal yu'el te Cajwaltique.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Apocalipsis 4:1

Patil ay yan bila la quil. Ja' la quil te ay ti'nail jamal ta bay te ch'ulchane. Te sbabial c'op te la caiy stojole, jich sc'op te bit'il oq'uese. Jich la yalbon: —Moan tel li'to, yu'un ya cac'bat awil te bila ya xc'ot ta pasel ta puersa ta patilal baele —la yuton.