San Juan 1:31 - Bible in Tzeltal de Oxchuc y Tenejapa

³¹ Te jo'one ma la jna'bey sba uuc te mach'a a, ja'uc me to, talemon ta yaq'uel ich'ja' ta swenta nax te ja'e, swenta yu'un jich me ya sna'bey sba te lum Israele —xi' te Juane.

Nuevo Testamento Tzeltal de Amatenango

³¹ Te joꞌone ma jnaꞌ machꞌa a. Pero te joꞌone talemon nax ta yakꞌel ichꞌjaꞌ ta jaꞌ, yuꞌun jich me ya snaꞌbeyik sba a te jtejklum Israele —xchi te Juane.

Bible in Tzeltal Bachajón

³¹ Ma ba la jna'be sba a; pero tal cac' ich'-ha' scuenta yu'un hich ya xchicnaj ta stojol Israel a, xchi.

San Juan 1:31 ပူးပေါင်းရင်းမြစ်များ

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Mateo 3:13

Te Jesuse jajch' tel ta bay sq'uinal Galilea. Jul tel ta bay ti'muc'ja' Jordán ta banti ay te Juane. Tal yac' sba ta ich'ja' yu'un.

San Mateo 3:6

Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

San Juan 1:30

Ja' in to, ja' te la calbey sc'oplale: “Patil ya xtal cu'un jtul winic te cajal sc'oplal cu'une, te melel stalel ayix stuquel a te c'alal ma to xchicnajon te jo'one”, te xoone.

San Juan 1:32

Soc jich la yalbey xan sc'oplal ta testigo: —La quil te Ch'ul Espíritu te coj tel ta ch'ulchane. Jich yilel te bit'il stsumut jul ainuc ta stojole.

San Juan 1:33

Ma to jna'ojbey sba uuc, ja'uc me to, te mach'a la sticunon tel ta yaq'uel te ich'ja'e, ja' nix la yalbon stuquel: “Te mach'a ya awil ya xjul ainuc ta stojol te Espíritu ya xcoj tele, ja' me ya yac' ich'ja' ta swenta te Ch'ul Espiritue”, la yuton.

San Juan 1:7

Ja' tal yalbey sc'oplal te luz, swenta yu'un jich me ya xch'uunic te ants-winiquetique.

Hechos 19:4

La yal te Pabloe: —Te Juane la yac' ich'ja' ta swenta sujt'esel-o'tanil yu'un mulil. Soc la yalbey yaiyic te lum te ja' ya xch'uunic te Mach'a patil ya xtal yu'une, ja' bi ja' te Jesús te Cristoe —xi'.