San Juan 1:19 - Bible in Tzeltal de Oxchuc y Tenejapa

¹⁹ Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

Nuevo Testamento Tzeltal de Amatenango

¹⁹ Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

Bible in Tzeltal Bachajón

¹⁹ Hich ay te testigo-c'op yu'un te Juan c'alal loq'uic tal ta Jerusalén te sacerdotehetic soc levitahetic te ticombilic yu'un te judíohetic yu'un ya sjoc'obeyic: ¿Mach'ayat a? xchihic.

San Juan 1:19 ပူးပေါင်းရင်းမြစ်များ

San Juan 1:7

Ja' tal yalbey sc'oplal te luz, swenta yu'un jich me ya xch'uunic te ants-winiquetique.

San Juan 10:24

Jich te judioetique la stsob sbaic tel ta sjoytayel. Jich la yalbeyic: —¿Jayeb xan c'aal te ya awac' ayanuc co'tantic awu'une? Teme ja'at te Cristoate, albotic ta jamal caiytic —xiic.

San Juan 10:31

Jich yu'un te judioetique la xcha'leic ton xch'ojic a te Jesuse.

San Juan 11:19

Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.

San Juan 2:18

Te jwolwanej-judioetique tal sjojc'obeyic te Jesuse: —¿Bi seña ya apasbotic quiltic yu'un te bila yacat ta spasele? —xiic.

San Juan 2:20

La yalic te jwolwanej-judioetique: —Waqueb yoxwinic (46) ja'wil meltsaj in templo to. Yan te ja'ate ¿bit'il ya xju' awu'un te oxeb nax c'aal ya acha'pas xan ta yach'ile? —xiic.

San Juan 5:10

Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

San Juan 5:15

Te winique ba yalbey yaiy te jwolwanej-judioetic te bit'il ja' Jesús te coltayot yu'une.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 6:41

Te judioetique caj smuquen-ayanic te Jesuse te bit'il jich la yale: “Te jo'one wajon te coemon tel ta ch'ulchan”, te xie.

San Juan 6:52

Te judioetique tulan jajch'ic ta c'op yu'un te bila la yale. Jich la yalic: —¿Bit'il ya yac'botic jwe'tic ya yal te sbaq'uetale? —xiic.

San Juan 7:1

Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Juan 7:11

Te judioetique yacalic ta sleel ta yolil te q'uine: —¿Banti ay te winique? —xiic.

San Juan 7:15

Te judioetique jchajp nax la yaiybeyic a te sc'ope. Jich la yalic: —¿Bit'il ay a te ya sna' ta lec aiyej te winique? Melel ma'yuc bay p'ijubtesbil —xiic.

San Juan 8:22

Te judioetique la yalbey sbaic: —¿Yu'un bal ya xba smil sba te la yal te ma stac' ya xbootic tey a ta banti ya xbajt'e? —xiic.

San Juan 8:48

La yalic te judioetique: —Melel xcaltic, pajalat soc samariaetic soc ay pucuj ta awo'tan —xiic.

San Juan 8:52

La yalic te judioetique: —Ta ora to chican ta lec te ay pucuj ta awo'tane. Te Abrahame soc te j'alwanejetic yu'un te Diose spisil lajic. Te ja'ate ya awal: “Te mach'a ya yich' ta muc' te bi ya cale, sbajt'el q'uinal ma xlaj”, te xaate.

San Juan 8:57

Te judioetique jich la yalbeyic te Jesuse: —Ma to ayuc lajuneb yoxwinic (50) ja'wil awa'wilal. ¿Bit'il ay a te la awil ya awal te Abrahame? —xiic.

Hechos 13:25

Te c'alal nopol ya xju'ix yu'un yat'el te Juane, jich la yal: “¿Mach'aon ta ac'opic a? Ma jo'ocon te mach'a ya awalique. Ja'uc me to, ay me mach'a ya xtal ta jpat te jichon ta stojol ya caiy te bit'il ma'yuc jtuul ta jyalele. Ni yacuc xju' ya jtilbey sc'ab te xanabe”, te xie.

Hechos 19:4

La yal te Pabloe: —Te Juane la yac' ich'ja' ta swenta sujt'esel-o'tanil yu'un mulil. Soc la yalbey yaiyic te lum te ja' ya xch'uunic te Mach'a patil ya xtal yu'une, ja' bi ja' te Jesús te Cristoe —xi'.

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.

1 Juan 1:5

Ja' in sc'op Dios to, ja' la yac'botic jnoptic te Jesucristoe. Ja' te ya calbeyex awaiyic: Te Diose, ja' saquil q'uinal, ma'yuc ijc' q'uinal ta swenta stuquel.