San Juan 1:18 - Bible in Tzeltal de Oxchuc y Tenejapa

¹⁸ Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

Nuevo Testamento Tzeltal de Amatenango

¹⁸ Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

Bible in Tzeltal Bachajón

¹⁸ Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 1:18 ပူးပေါင်းရင်းမြစ်များ

Génesis 16:13

Jich yu'un te Agar la yac'bey sbiil te Cajwaltic te c'oponot yu'une: “Diosat te spisil ya awile”, xi' c'ot yu'un. Yu'un la yal: “¿Melel bal te cuxulon to te bit'il la yilon te Diose?” xi'.

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Éxodo 24:10

Tey la yilic a te Dios yu'unique. Ta yet'al yacan ay bila mero yax la yilic jich bit'il ch'ulchan, jich bit'il piso pasbil ta lequil zafiro-ton te jich yilel bit'il mero q'uepel te q'uinale.

Proverbios 8:30

tey mero jun co'tan ayonix ta xujc' a. Jo'on spisil ora mero yutsilon yo'tan, spisil ora tajinon ta stojol;

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Lamentaciones 2:12

Te alaletic jich ya yalbeyic te sme'ique: “Ma'yuquix jwe'eltic, ni ma'yuquix vino cu'untic”, xiic. Jich yalic yu'un lajel te bit'il ac'bot yejch'en ta calleetic yu'un te lume, slajibal xanix la yich'ic ic' ta sc'ab te sme'ique.

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 12:41

Jich la yal te Isaiase, yu'un yilojbey yutsilal te Jesuse, soc ja' nix te la xcholbey sc'oplale.

San Juan 13:23

Ay jtul jnopojel yu'un te Jesús te bayal c'ux sba ta yo'tan soque, te slac'oj sba ta we'el soque.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

San Juan 3:11

Jamal ya calbat, ja' ya caltic te bila jna'ojtique, soc te bila quilojtique; ja'uc me to, ma xc'ot ta awo'tan te bila ya caltique.

San Juan 6:46

“Ma'yuc mach'a yiloj te Jtate. Jo'on nax quiloj jtuquel te bit'il tey talemon a.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Deuteronomio 4:12

Jich te Cajwaltic la sc'oponex ta yolil te c'ajq'ue. Te ja'exe la awaiybeyic te sc'ope, pero ja' nax la awaiybeyic sc'op, ma'yuc bila la awilic te chicnaj tey a.

Colosenses 1:15

Te Diose ma chicanuc ta ilel. Ja'uc me to, ja' sloc'omba Dios te Cristoe. Ja' sbabial ay yu'un spisil te bitic aye.

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Josué 5:13

Jich c'ot ta pasel te c'alal nopol ay ta Jericó te Josué, la yil jtul winic teq'uel ta stojol, soc ay puñal ta sc'ab. Te Josué ba yil, la sjojc'obey: —¿Ja'at bal joyticat, o ja'at te jcontroticate? —la yut.

1 Juan 4:12

Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?

1 Juan 4:9

La yac' ta ilel te bit'il c'uxotic ta yo'tan ta swenta bit'il la sticun tel ta balumilal te jip jtul Snich'ane, swenta yu'un jich me ya xcuxinotic ta swenta stuquel.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.