San Juan 1:17 - Bible in Tzeltal de Oxchuc y Tenejapa

¹⁷ Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

Nuevo Testamento Tzeltal de Amatenango

¹⁷ Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

Bible in Tzeltal Bachajón

¹⁷ como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

San Juan 1:17 ပူးပေါင်းရင်းမြစ်များ

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Salmos 85:10

Ya me xc'ot yorail te ya sta sba soc te c'uxul-o'tanil te bila smelelil, te lamal-o'tanil soc te toj-o'tanile, jich c'oem te ya spet sbaique.

Salmos 98:3

Ma ba ch'ayem te xc'uxul yo'tan soc te bit'il jun yo'tan ta stojol te lum Israel yu'une. C'alal to ta slajibal bael balumilal, ilotix te bit'il jtsalwanej stuquel te Dios cu'untique.

Miqueas 7:20

Cajwal, junuc me awo'tan soc ayuc me xc'uxul awo'tan, te jich nix jamal la awal ta namey ta stojol te antiguo jme'-jtatic ja' te Abraham soc Jacob.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 5:45

Ma me xacuyic te jo'on ya calbeyex amulic ta stojol te Jtate. Ay te mach'a ya yalbeyex amulique: Ja' te Moisés te ay yip awo'tanic yu'une.

San Juan 7:19

“¿Ma bal ja'uc Moisés te la yac'beyex te mandalile? Ja'uc me to, ma jtuluquex te awat'elinejic xch'uunele. ¿Bi yu'un ya ac'an amilonic? —xi'.

San Juan 8:32

Jich me ya ana'ic te bila melele. In te bila melele, ja' ya yaq'uex ta libre —xi'.

San Juan 9:29

Jna'ojtic stojol jo'otic te c'oponot yu'un Dios te Moisese. Yan te mach'a ya awale, ni ya jna'tic stojol xujt'uc te banti taleme —xiic.

Hechos 28:23

Jich la xchapic te bi c'aalil ya xtal yaiyic stojole. C'alal la sta sc'aalelal, tsobol ta jtul tal stsob sbaic tey a ta banti smajanej na te Pabloe. Sab to jajch' ta c'op, ja' to c'alal malix a te c'aale. Ja' la xcholbey yaiyic te bit'il ay ta ajwalinel te Diose. Yu'un yo'tanuc ya yac' xch'uunic Jesús ta swenta te bila ts'ibubil jilel sc'oplal ta bay te mandalil yu'un te Moisese soc ta bay sjun te j'alwanejetique.

Hechos 7:38

Soc ja' nix Moisés te ay ta yolilic tey a ta bay stsoboj sbaic ta muc'ul jochol taquin q'uinal, soc sjoinej te ch'ul abat te c'oponot yu'un ta bay wits Sinaí soc uuc te antiguo jme'-jtatique. Ja' ac'bot te c'op swenta cuxinel te la yac'botique.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

2 Corintios 1:20

Ja'uc me to, ta swenta Cristo ya xju' ta pasel spisil te bila yaloj te Diose. Ja' swentail te “Jichuc”, xootic ta swenta Cristo Jesús te c'alal ya calbeytic wocol te Diose.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

Deuteronomio 33:4

Moisés la yac'botic mandaliletic, swenta yu'un ya cu'unintic jo'otic te sts'umbalotic te Jacobe.

Deuteronomio 4:44

Ja' in to ja' te p'ijtesel la yac'bey israeletic te Moisés.

Deuteronomio 5:1

Te Moisés la stsob spisil te lum Israel, jich la yalbey: —Aiya awaiyic, israeletic, te mandaliletic soc te bila chapal ya calbeyex awaiyic yo'tic, nopaic ta lec, soc jich me xapasic bael ta spisil ora.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.