San Juan 1:15 - Bible in Tzeltal de Oxchuc y Tenejapa

¹⁵ Te Juan la yalbey sc'oplal ta testigo, jich la yal: —Ja' in to, ja' te mach'a la calbey sc'oplal, te patil ya xtal, te cajal sc'oplal cu'un stuquele, melel stalel ayix stuquel a te c'alal ma to xchicnajone —xi' te Juane.

Nuevo Testamento Tzeltal de Amatenango

¹⁵ Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

Bible in Tzeltal Bachajón

¹⁵ Te Juan hich la yalbe sc'oblal ta testigo-c'op: Ha ini te la jcalbe sc'oblal: Te mach'a patil ya xtal cu'un, ha nahil ay cu'un, como stalel nahil ay cu'un, xchi.

San Juan 1:15 ပူးပေါင်းရင်းမြစ်များ

Proverbios 8:22

“Jo'on la spason ta xjajch'ibal yat'el te Cajwaltique, ja' te c'alal ma to ba sjachoj spasel spisil a te bitic aye.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Marcos 1:7

Jach ta xcholel, jich la yal: —Te mach'a patil ya xtal cu'un ja' cajal yu'el stuquel. Ma spas te ya jtilbey yac'ul te xanabe.

San Lucas 3:16

Ja'uc me to, la yal te Juane: —Melel te jo'one ja' nax ya cac'beyex awich'ic ja' ta swenta nax te ja'e. Yan te mach'a ya xtale, ja' me ya yac'beyex awich'ic te Ch'ul Espíritu soc c'ajc'. Ja' tulan yat'el yich'oj stuquel. Jichon ta stojol ya caiy te bit'il ma'yuc jtuul ta jyalele, ni yacuc xju' ya jtilbey sc'ab te xanabe.

San Juan 1:27

Ja' in to, ja' te mach'a patil ya xtal cu'une, jichon ta stojol ya caiy te bit'il ma'yuc jtuul ta jyalele. Ni yacuc xju' ya jtilbey sc'ab te xanabe —xi' te Juane.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Colosenses 1:17

Melel te Cristoe, stalel ayix a te c'alal ma to ayuc a te bitic aye, soc ja' swentainej spisil.

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

Apocalipsis 1:11

Jich la yal: —Jo'on Alfaon, jo'on Omegaon, ayon ta xjajch'ibal soc ayon ta slajibal. Ts'ibuya ta jun te bila ya awile, soc ticuna bael ta bay te jucchajp jch'uunjeletic te ayic ta sq'uinal Asia: Ja'ic te lum Éfeso, te lum Esmirna, te lum Pérgamo, te lum Tiatira, te lum Sardis, te lum Filadelfia, soc te lum Laodicea —xi' la caiy.

Apocalipsis 2:8

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Esmirna: Te mach'a ay ta xjajch'ibale soc te ay ta slajibale, te laje soc te cha'cux tele: