San Juan 1:11 - Bible in Tzeltal de Oxchuc y Tenejapa

¹¹ Tal sjoin te mach'atic ay yu'une, ja'uc me to, ma ba ich'ot ta muc' yu'un te mach'atic slumal sba soque.

Nuevo Testamento Tzeltal de Amatenango

¹¹ Jul ta yolil te jtejklum yuꞌun Diose, pero ma akꞌot ta jkuenta yuꞌun te slumale.

Bible in Tzeltal Bachajón

¹¹ Tal sjoquin te mach'atic ay yu'un, pero ma ba ich'ot ta cuenta yu'unic.

San Juan 1:11 ပူးပေါင်းရင်းမြစ်များ

San Mateo 15:24

Te Jesús la yalbey te antse: —Ma ja'uc ticunbilon tel ta awenta. Ja' nax sticunejon Dios ta xc'uxtayel te israeletic te jich c'oemic bit'il chijetic te ch'ayemique —xi'.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

San Juan 1:10

Ayix ta balumilal te mach'a la xchicnantes te balumilale, ja'uc me to, te mach'atic ay yu'une ma la sna'beyic sba.

San Juan 1:12

Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

San Juan 19:27

Soc la yalbey uuc te jnopojele: —Ilawil te ame'e —xi'. Jich yu'un te jnopojele la yic' bael sjoin ta sna.

San Juan 3:32

Te bila la yile soc te bila yaiyoj stojole, ja' ya xcholbey sc'oplal. Ja'uc me to, ma'yuc mach'a ya xch'uun te bi ya yale.

Hechos 13:26

“Quermanotac, te yal-snich'anex te Abrahame soc ja'ex ta apisilic te awich'ojic ta muc' te Diose, julix ta alel ta atojolic te bit'il ay sc'oplal te colele.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

Hechos 21:6

soc la jpatbeytic jilel yo'tanic. Jich ochotic ta barco te jo'otique. In te jnopojeletique sujt'ic bael ta snaic stuquelic.

Romanos 15:8

Ja' ya calbeyex sc'oplal te Cristo te tal yac' sba ta abatinel yu'un te judioetique swenta yu'un tal sc'otes ta pasel te bila yaloj ta stojol te tatiletic cu'untique. Jich la yac' ta ilel te smelelil te bila yaloje.

Romanos 9:1

Melel te bila ya cal ta stojol Cristo, ma jlotuc. Te co'tan a, wentainbil yu'un te Ch'ul Espiritue, ya yalbon te ma jlotuc te bila ya cale.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.