San Juan 1:10 - Bible in Tzeltal de Oxchuc y Tenejapa

¹⁰ Ayix ta balumilal te mach'a la xchicnantes te balumilale, ja'uc me to, te mach'atic ay yu'une ma la sna'beyic sba.

Nuevo Testamento Tzeltal de Amatenango

¹⁰ Te machꞌa Skꞌop Diose ayix ta balmilal. Stukel ta skuenta te Dios a spas te balmilale, pero te machꞌatik ayik ta balmilale maꞌ snaꞌbeyik sba.

Bible in Tzeltal Bachajón

¹⁰ Halaj ta bahlumilal, soc ha nix la yich' pasel te bahlumilal ta scuenta, pero ma ba na'bot sba yu'un te mach'atic ayic ta bahlumilal.

San Juan 1:10 ပူးပေါင်းရင်းမြစ်များ

Génesis 16:13

Jich yu'un te Agar la yac'bey sbiil te Cajwaltic te c'oponot yu'une: “Diosat te spisil ya awile”, xi' c'ot yu'un. Yu'un la yal: “¿Melel bal te cuxulon to te bit'il la yilon te Diose?” xi'.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Juan 1:11

Tal sjoin te mach'atic ay yu'une, ja'uc me to, ma ba ich'ot ta muc' yu'un te mach'atic slumal sba soque.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 1:3

Ja' ta swenta stuquel te bit'il chicnaj spisil te bitic aye; xujt' ma'yuc te ma ja'uc pasbil ta swentae.

San Juan 1:5

Te saquil q'uinale sacubenix bay te ijc' q'uinale soc te ijc' q'uinale ma ba ju' yu'un stup'el.

San Juan 17:25

Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

Hechos 14:17

Ja'uc me to, ma yu'unuc ma la yac' ta na'el te bit'il ay stuquel te Diose, melel lec te bi ya spase. Ya yac' taluc ja'al ta ch'ulchan soc ya yac' sitinuc te cawal-jts'unubtique. Jich ya xnoj te jch'ujt'ique soc ya xbujts'naj co'tantic ta lec yu'un —xiic ta aw.

1 Corintios 1:21

Ja'uc me to, ta swenta sp'ijil te Diose, te mach'atic ayic ta balumilal ma la sna'beyic sba Dios ta swenta nax te sp'ijilique. Ja' lec la yaiy ta yo'tan Dios te ya scoltay te mach'atic ya xch'uunic te sc'ope, manchuc teme jowil c'op nax c'oem ta yo'tanic te yantique.

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

1 Corintios 8:6

ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

Hebreos 11:3

Ta swenta xch'uunjel co'tantic jich jna'ojtic stojol te tic' pastaj ch'ulchan balumilal a te bit'il c'opoj te Diose. Jich te bila chican ta ilel ya quiltique, ma chicanuc ta ilel te bila pasbil a.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.