Josué 9:9 - Bible in Tzeltal de Oxchuc y Tenejapa

⁹ La sjaq'uic: —C'ubul talemotic ta scaj te pujq'uem sc'oplal te Ajwalil te Dios awu'unique. Caiyojtic stojol spisil te bi la spas ta Egipto,

Bible in Tzeltal Bachajón

⁹ Hich la sjaq'uic: Te a'batetic awu'un talemotcotic ta mero namal q'uinal ta scaj te sbihil te Jehová te Dios awu'un como ca'iybeyejcotic sc'oblal, soc spisil te bintic la spas ta Egipto

Josué 9:9 ပူးပေါင်းရင်းမြစ်များ

1 Reyes 8:41

“Ja' nix jich teme jyanlum, te ma ja'uc te lum awu'une, pero teme ya yich' ta muc' te yutsil ach'ul-biil te talem ta c'ubul q'uinal yu'une,

Nehemías 9:5

Te levitaetic ja'ic te Josué, Cadmiel, Binuy, Hasabnías, Serebías, Hodías, Sebanías soc Petaías, jich la yalic: —Jajch'anic, albeyaic yutsilal te Cajwaltic te Dios cu'untic spisil ora ta sbajt'el q'uinal. Bayaluc yutsilal, ac'a yich' alel yutsil sc'oplal, soc ac'a toyuc xan yutsil slequilal te sbiile —xiic.

Salmos 148:13

Ta apisilic albeyaic yutsilal sbiil te Cajwaltique, melel ja' nax stuquel te mero toyole. C'ax toyol te yutsil bit'il te ch'ulchan soc te balumilal.

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Salmos 78:12

Dios la spas jchajp at'eliletic ta stojol sme'-static ta sq'uinal Zoán te ay ta Egipto:

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Éxodo 15:14

Te lumetic ya me xnijc' yo'tanic c'alal ya yaiyic stojol; te filisteoetic ya me x'ajc'naj yo'tanic yu'un xc'uxul mel-o'tan.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Isaías 55:5

Te ja'ate ya me awic' tel te lumetic te ma na'biluc sbaique; te lumetic te ma sna'bat aba, animal nax ya xbajt'ic ta atojol. Melel ya me cac'at ta ich'el ta muc', jo'on Awajwalon, te Ch'ul Dioson yu'un Israel —xi'.

Isaías 66:19

Ya me cac'bey jun señail: ya me cac' te ay ya xcol loq'uel, soc ya me jticun bael ta nacionetic: ta Tarsis, ta Libia, ta Lidia, ja' te lum te ya sna'ic yaq'uel te t'ime, ta Tubal, ta Grecia, soc te lumetic te ayic ta ti'ti'mar. Ja' te mero ma'yuc bay yaiyojbonic te jc'oplale, soc te ma'yuc bay yilojbonic te xojobil cutsilale. Ja'ic te ticunbilic cu'un ya me yaq'uic ta na'el cutsilal ta bay te nacionetique.

Números 14:15

Teme jc'axel ya amil te lume, te nacionetic te yaiyojic stojol ac'oplal, ya me yalic:

Números 20:14

C'alal ayic ta Cades, te Moisés la sticun bael cha'oxtul ta yich'el bael c'op ta stojol te muc' ajwalil yu'un Edom, jich la yal bael: —Te awermanotac-israeletic la yalic tel: “Te ja'at ya ana' ta lec te jwocoltic c'axemix tel cu'untique.

Hechos 8:7

Melel ay tsobol ta jtul mach'atic ay pucujetic ta yo'tanic te la yich'ic coltayel yu'un te Felipee. Te c'alal loq'uic te pucujetic tulan awunic. Soc ay tsobol mach'atic chamen xchial yoc-sc'abic soc coxoetic te la yich'ic coltayele.

Deuteronomio 20:11

Teme la sc'anic te lamal q'uinal te yajwal te lume, teme ya yaq'uex ochel ta lec naxe, ya me xtuun awu'unic ta abatil, ya me awaq'uic ta at'el ta puersa.

Deuteronomio 20:15

Ja' nix me jich ya apasbeyic ta stojol spisil te yantic lumetic te c'ubul ayic ta banti ya xnainex, te ma ba nopol ay soc te nación cu'untique.

Josué 9:10

soc te bi la spasbey te cheb ajwaliletic yu'un te amorreoetic ta jejch' ja' Jordán, ja' te Sehón te ajwalil yu'un te lum Hesbón, soc te Og, te ajwalil yu'un Basán, te nain ta lum Astarot.

Josué 9:16

Ta yoxebal c'aal ta patil, te israeletic la yaiyic stojol te nopol nax ayic te gabaonetic, te ja' mero slac'oj sba soc te q'uinal te ba ayique.

Josué 9:17

Jich loc' sleic. Ta yoxebal c'aal c'otic ta bay te lumetic yu'unique, ja'ic te Gabaón, Cafira, Beerot soc Quiriat-jearim.

Josué 9:24

La sjac'beyic sc'op te Josué: —Jich la jpastic, melel bayal xiwotic yu'un teme ya xba amilotique. Yu'un caiyojtic stojol te Ajwalil, te Dios awu'unique, la yalbey Moisés, te yabate, te ya yac'beyex spamal te q'uinale soc ya yich' milel spisil te mach'atic nainemic tey ae.