Josué 8:2 - Bible in Tzeltal de Oxchuc y Tenejapa

² Lajina jilel ta milel te lum Hai soc te ajwalil yu'une, jich bit'il la alajin jilel te Jericó soc te ajwalil yu'une. Ta ora yo'tic ya me xju' ya awu'uninbeyiquix te sbiluquic soc xchamsbalamic te mach'atic ya xlajique. Chajbana te soldadoetic awu'un, muquen ya xba snac' sbaic ta bay spat bael te lume. Jich ma sna'ic te bila muquen ya xtal ta stojolique —xi' te Cajwaltique.

Bible in Tzeltal Bachajón

² Hich yac apasbe te Hai soc te ajwalil yu'un te bin ut'il la apasbe te Jericó soc te ajwalil yu'une; yan te sbiluquic soc te chambahlametic yu'unic ya xhu' yac awich'ic stuquel. Ya me awac' winiquetic te ya snac' sbahic ta spat te pueblo, xchi.

Josué 8:2 ပူးပေါင်းရင်းမြစ်များ

2 Crónicas 13:13

Te Jeroboam yalojbeyix mandal te soldadoetic te jcanantaywanejetic ta spat, te muquen ya xbajt'ic ta spat ta yaq'uel tel guerra te judioetique. Yan te bayal soldadoetic yu'un Jeroboam ayic ta stojol te soldadoetic yu'un Judá.

2 Crónicas 20:22

Ta ora nax te c'alal jajch'ic ta sc'ajintayel te Cajwaltique, soc te bin nax yo'tanic ta yalel yutsil sc'oplale, te Cajwaltic la sjowtesbey sjolic te amonetic soc moabetic soc te mach'atic talemic ta wits Seir, te ya xtalic ta yac'beyel guerra te Judá. Jich la yich'ic tsalel.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

Proverbios 13:22

Te lequil winique ya yijq'uitaybey jilel smamatac te bila ay yu'une; yan te sc'ulejal jmulawile, ja' ya xjil ta swenta te mach'a toj yo'tane.

Proverbios 28:20

Te mach'a jun yo'tan yac'oj sba, ay ta alel yutsil sc'oplal; yan te mach'a ja' nax baem ta yo'tan sleel sc'ulejale, ya me yich' castigo yu'un.

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Jeremías 51:12

Ac'beya seña yu'un yorailix guerra ta sjoyobal sts'ajc'ul te Babilonia. Ac'beyaic yip yo'tanic te soldadoetique. Ac'aic j'il-q'uinaletic tey a. Ac'a ta yawilic te mach'a ya snac' sbaic ta maliywanej. Melel te Cajwaltic la xchajban soc la sc'otes ta pasel, ja' te chapal yu'un te la yalbey sc'oplal te yajwal Babilonia.

Deuteronomio 2:35

Ja' nax la cu'unintic te chambalametic, soc te bitic bayal stojol la jtatic ta lumetic te la quich'tique.

Deuteronomio 20:14

Te antsetic, alaletic, chambalametic soc spisil te bitic ayic ta lume, ja'ex me awu'unic. Ya me xju' ya amulanic stuuntesel spisil te bitic ya yac'beyex atsaquic te Cajwaltic te Dios cu'untique.

Deuteronomio 3:2

“Te Cajwaltic jich la yalbon: “Ma me x'axi', melel cac'ojbatix ta ac'ab te Og, te soldadoetic yu'un soc te slum-sq'uinale, swenta yu'un jich nix ya apasbey te bit'il la apasbey te Sehón, te muc' ajwalil yu'un amorreoetic, te nain ta Hesbón”, xi'.

Josué 10:1

Te Adonisedec te ajwalil yu'un Jerusalén, bayal xiw yu'un te c'alal la yaiy stojol te la yu'uninix Josué te lum Hai soc te bi la spasbey te ajwalil yu'une, ja' nix jich te bi la spasbey ta neelal te Jericó soc te ajwalil yu'une, soc te bit'il lamal yo'tan sba c'ot soc te gabaonetic te israeletic, te sjoinej sbaiquix ta q'uinal soque. Ja' bayal ac'bot xiwel yu'un ta swenta te lum Gabaón, melel ja' te lum bayal sc'oplal stuquele. Ja' c'ax muc' stuquel a te bit'il lum Hai, soc ja' pajal c'oem soc lumetic te ay muc' ajwalil yu'unique.

Josué 10:28

Ja' nix ta sc'aalelal in to, te Josué la yu'unin te lum Maceda, la slajin ta milel ta puñal spisil te mach'atic nainemic tey a, ma'yuc mach'a cuxul la yijq'uitay. Te ajwalil yu'un Maceda jich la yich' pasel ta stojol te bit'il la spasbey te ajwalil yu'un Jericó.

Josué 11:14

La smilic ta puñal ta spisilic te mach'atic ayic ta lumetic, ma'yuc bay cuxul la yijq'uitayic jilel jtuluc. La yu'uninbeyic spisil te xchamsbalamic soc spisil te sbiluquique.

Josué 6:21

Jajch' smilic ta puñal te winiquetic, antsetic, muc'-biq'uitetic, soc te me'el-mamaletique. La smilic te wacaxetic, te chijetic soc te burroetique. Spisil la slajinic ta milel ta jc'axel.

Josué 8:12

Te Josué la snac' jo'mil (5,000) soldadoetic ta bay olil yiloj sba soc lum Betel te lum Hai, ta bay smalib c'aal yu'un te lume.

Josué 8:14

C'alal la yil te ajwalil yu'un Hai te scontroe, loq'uic tel ta animal soc spisil te swinictaque, swenta yu'un tal stsal sba soc te israeletic te banti ya xchicnaj spamlej yu'un Jordán. Mero ma la sna' teme ay yantic israeletic snac'oj sbaic ta bay spat te lume.

Josué 8:19

Jich yu'un te mach'atic snac'oj sbaique, ora nax a loq'uic tel ta bay nac'alic, animajic ochel ta lum. La yu'uninic te lume, la yac'beyic sc'aal.

Josué 8:24

Te israeletic la smilic ta puñal spisil te yajwal lum Hai te nutsotic bael yu'unique. C'alal lajix yo'tanic a, ochic bael ta yutil lum. Jich la smilic te jayeb mach'a ayic to xan tey a.

Josué 8:3

Te Josué la xchajban spisil te swinictaque swenta yu'un ya me xbajt'ic ta stojol lum Hai. La stsa lajuneb xcha'winic ta jmil (30,000) soldadoetic. Ta ajc'ubal la sticun bael.

Josué 8:7

Jich yu'un te ja'exe ya me xloq'uex tel ta bay anac'oj abaique. Ya me awu'uninic te lume, melel te Cajwaltic te Dios cu'untique ya yac'botic ta jc'abtic.

Josué 8:8

Te c'alal ayix ta ac'abic a, chic'aic me, jich bit'il yaloj mandal te Cajwaltic, melel ja' smandal stuquel —xi'.

Josué 8:9

Jich yu'un te Josué la yalbey mandal te ya xbajt'ique. Jich bajt'ic ta snac'bel sbaic ta bay olil ay yu'un te lum Betel te lum Hai, ja' ta swenta smalib c'aal yu'un Hai. Yan te Josué c'ax ajc'ubal yu'un ta campamento.

Josué 9:3

Ja'uc me to, te heveoetic te nainemic ta Gabaón, la yaiyic stojol te bi la spasbey Josué te cha'pam lum, ja' te Jericó soc te Hai.