Josué 7:7 - Bible in Tzeltal de Oxchuc y Tenejapa

⁷ Jich la yal te Josué: —¿Cajwal, bistuc la ac'asesotic tel soc spisil te lum ta muc'ja' Jordán? ¿Yu'un bal li' ya awac'otiquix ta sc'ab a te amorreoetic te ya smilotic ta jyalele? ¡Teyuc laj jilucotic a ta bay jejch' ja' Jordane!

Bible in Tzeltal Bachajón

⁷ Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!

Josué 7:7 ပူးပေါင်းရင်းမြစ်များ

2 Reyes 3:10

La yal te muc' ajwalil yu'un Israel: —¡E! Jich me ya quil te bit'il ta coxebaltic te muc' ajwalilotic, la yic'otic tel Cajwaltic yu'un ya yac'otic ta sc'ab te moabetique —xi'.

Salmos 116:11

Ayonix ta lajel la caiy, ja' swentail te jich la cale: “Jpas-lotetic ta spisil te ants-winiquetique”, xoon.

Éxodo 16:3

Jich la yalic: —¡Teyuc la smilotic a te Cajwaltic ta Egipto! Tey joinejtic ta naclej te yoxmal jti'baltic, we'otic ta lec ja' to c'alal la sc'an co'tantic. Yan te ja'exe la awic'otic tel yu'un ya amilotic ta wi'nal jpisiltic ta jochol taquin q'uinal —xiic.

Éxodo 17:3

Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Números 14:16

“Te Yajwalique, ma ju' yu'un te ya yac' ochel bael ta q'uinal te yalojbey ta jamal te ya yac'beye. Ja' swentail te la smil jilel ta jochol taquin q'uinal”, xiic me.

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

San Mateo 17:17

La yal te Jesuse: —¿Bit'il ayex a ja'ex te ma'yuc bi xch'uunej awo'tanic ta stojol te Diose soc te ma lecuc te awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —xi'.

San Mateo 17:20

La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

Hebreos 12:5

¿Yu'un bal ch'ayix ta awo'tanic te tac'uyel yu'un Dios te bit'il yal-snich'anexe? Melel jich ya yal te Sjune: “Jnich'an, ma me x'ap'aj te tojobtesel ya awich' yu'un te Cajwaltique, soc ma me xpejc'aj awo'tan yu'un teme la awich' comel yu'une.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Josué 7:8

Cajwal, ¿bi ya caltic yo'tic? Melel te jlumal israeletic aniquix loq'uel tel ta stojol te jcontrotique.

1 Samuel 4:3

Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.