Josué 7:5 - Bible in Tzeltal de Oxchuc y Tenejapa

⁵ Ay la yich'ic milel waclajuneb xcha'winic (36) ta jtul. Te yantique la yich'ic nutsel bael c'alal ta yochibal te lume, ja' to c'alal ta bay sloq'uesjibal tonetic, ta bay coel tey la yich'ic milel a. Ja' swentail te pejc'aj yo'tanic te israeletique, ch'ay yip te yo'tanique.

Bible in Tzeltal Bachajón

⁵ Te mach'atic ayic ta Hai la smilic waclajuneb scha'winic (36) winiquetic, la snutsic bahel c'alal ta yochibal te pueblo ha to c'alal ta Sebarim, la slajinic ta banti cohel bahel. Hich laj yip yo'tanic te israeletic, hich c'oht yo'tanic te bin ut'il ha'.

Josué 7:5 ပူးပေါင်းရင်းမြစ်များ

Salmos 22:14

Jich c'oemon te bit'il ja' te ya xmale; te jbaquel pitc'ujemiquix. Te co'tan jich c'oem te bit'il chabec' te ya x'ulub ta yutil te jbaq'uetale.

Salmos 58:7

Ac'a ch'ayuquic, jich te bit'il ja' ya xmal ta taquin lume; ac'a taquejuc, jichuc ac ta be;

Isaías 13:7

Jich yu'un ta spisil te ants-winiquetic ma me ayuc yip ya xjil te yoc sc'abique, lajemiquix ta q'uinal ya yaiyic,

Ezequiel 21:7

Teme ay ya sjojc'obat bi yu'un te ya x'oc'ate, albeya te yu'un ay bila awaiyoj sc'oplal te nopol ya xc'ot ta pasele. Ta spisil yajwal lum ya me xch'ay q'uinal ya yaiyic yu'un. Ya me saybuj yoc sc'abic, ma'yuc mach'a ma xtal xiwel ta yo'tan. Ta spisilic me ya xnijc' yacanic yu'un xiwel. Ya xc'otix yorail, ya xjajch'ix ta pasel. Jo'on Ajwalilon te jich caloje —xi'.

Levítico 26:36

“Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Deuteronomio 1:44

Jich te amorreoetic, te nainemic ta witstiquile, loq'uic tel ta atojolic, jich la snutsex te bit'il xchanul xux. La stsalex ta Seir c'alal ta Horma.

Josué 2:11

Ja' bayal xiwotic yu'un te c'alal la caiytic stojole, melel ma'yuc mach'a ya xju' spajaltayex. Melel cajal nix stuquel a te Awajwal te Dios awu'unique, te ja' Dios yu'un ch'ulchan soc Dios tey ta balumilal.

Josué 2:9

—Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.