Josué 7:2 - Bible in Tzeltal de Oxchuc y Tenejapa

² Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

Bible in Tzeltal Bachajón

² Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Josué 7:2 ပူးပေါင်းရင်းမြစ်များ

Génesis 12:8

C'ax xan bael te Abram, c'ot ta witstiquil ay ta stojol sloq'uib c'aal yu'un lum Betel. Tey la stejc'an snailpac' a, ay ta stojol smalib c'aal c'ot te Betel, ay ta stojol sloq'uib c'aal c'ot te Hai. Tey la spasbey yan scajtijib ta chiq'uel smajt'an a te Cajwaltique. La smilbey jcojt' chij ta stojol, jich la yalbey wocol a te Cajwaltique.

Génesis 28:19

Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

1 Reyes 12:29

Jich jun la yac' ta Betel, yan la yac' ta Dan.

Nehemías 11:31

Te sts'umbal Benjamín nainic ta lum Geba, Micmas, Aía, Betel soc ta yantic ch'in lumetic ta pamalpam.

Proverbios 20:18

Teme ay bi ya achape, ay me yip ya xc'ot ta swenta te lequil consejo; teme ay ya apas guerra, c'ana neeluc te lequil consejoe.

Proverbios 24:6

Melel te c'alal ya yich' pasel te guerra, ya sc'an buen lec ya yich' chapel bael; teme tsobol mach'atic ya xchapique, jich ya xju' te tsalawe.

Isaías 10:28

ya xjul ta Ajat, ya xc'ax ta Migrón, ya yijq'uitay jilel ijc'atsil ta Micmas,

Jeremías 49:3

“Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Oseas 4:15

“Teme ya apas mulwej ja'at, Israel; ja'uc me to, te manchuc ya sle smul stuquel te Judá. Ma me xbaex ta Gilgal te ja'exe, ni ma me xmoat bael ta Bet-avén, ni ma me x'ata ta alel te cuxul Diose.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Efesios 5:15

Jich yu'un, tsajtaya abaic ta lec te bit'il ya sc'an ya xcuxinex ta q'uinale. P'ijanic me. Ma me jichuquex te bit'il mach'atic ma'yuc bi sna'ique.

Josué 12:9

Te muc' ajwaliletic la yich'ic tsalel ta jc'axel, ja'ic in to: ajwalil yu'un Jericó, yu'un Hai, ja' te nopol yiloj sba soc Betel,

Josué 18:12

Te smojonil te q'uinal jajch' tel ta stojol norte ta muc'ja' Jordán, toj bajt' ta stojol norte yu'un Jericó. Bajt' xan ta witstiquil ta stojol smalib c'aal, loc' ta jochol taquin q'uinal yu'un Bet-avén.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.

Josué 7:3

Te c'alal sujt'ic tel, la yalbeyic te Josué: —Ma puersauc ya xbajt'ic spisil, ac'a bajt'uc cha'miluc, oxmiluc, tic' nax ya cu'unintic a te lume. Ma me x'aticun bael spisil, melel te yajwal Hai, ma'yuc tsobolic —xiic julel.

1 Samuel 13:5

Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.

1 Samuel 14:23

La yac'bey bael guerra c'alal ta Bet-avén. Jich te Cajwaltic la scoltay ta sc'ab filisteoetic te israeletique.

1 Samuel 30:27

Soc la sticunlabey smajt'anic te mach'atic ayic ta Betel, Ramot-ta-Neguev, Jatir,