Josué 6:3 - Bible in Tzeltal de Oxchuc y Tenejapa

³ Jich yu'un ja'ex te soldado-israelex jun me buelta ya xbeenex ta sjoyintayel jujun c'aal te lume, waqueb me c'aal te jich ya apasique.

Bible in Tzeltal Bachajón

³ Ha yu'un spisil te winiquetic yu'un guerra awu'unic ya me ajoyobtayic jun buelta te pueblo. Hich me yac apasulanic waqueb c'ahc'al.

Josué 6:3 ပူးပေါင်းရင်းမြစ်များ

2 Crónicas 4:3

Ta yet'al sti'il ta sjoyobal te yawil ja', ay cha'chol sloc'omba toroetic yilel tey a, lajlajuneb ta jujun jo'eb yoxwinic (45) centímetro. Jun nax loq'uem ta pasel soc te yawil ja'e.

Números 14:9

Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

2 Corintios 4:7

Ayix ta jwentatic te c'ulejalil te nojel ta pac'bil oxom te pasbil ta ajch'ale. Swenta yu'un jich ya xchicnaj te ja' nax ta swenta smuc'ul yu'el Dios te ay bila ya xju' cu'untique, ma ja'uc ta swenta te quiptique.

Josué 6:11

Te Josué la yac' beenuc ta q'uechel scajonil trato yu'un Cajwaltic te ya sjoyintayic jun buelta te lume. Patil sujt'ic bael ta scampamentoic, tey c'ax ajc'ubal yu'unic a.

Josué 6:14

Ta xchebal c'aal ja' nix jich la sjoyintayic jun buelta te lume. Sujt'ic xan bael ta scampamentoic. Jich la spasulayic bael te waqueb c'aale.

Josué 6:2

Te Cajwaltic la yalbey te Josué: —Te jo'one cac'ojbatix ta ac'ab te Jericó, te muc' ajwalil yu'un soc te soldadoetic yu'une.

Josué 6:4

Juctul sacerdoteetic ya xneelajic ta beel yu'un te scajonil trato te q'uechbil baele, te juju-jtule ya me yich'ic xulubil tat chij. Ta sjuquebal c'aal juqueb me buelta ya sjoyintayic te lume, soc te sacerdoteetic ya me yoq'uesinic te xulubil yu'unique.

Josué 6:7

Soc jich la yalbey te israeletique: —Baanic joyintayaic te lume. Te winiquetic te yich'oj yat'ejibic yu'un guerra, ac'a neelajuc bael yu'un a te cajón yu'un Cajwaltic —xi'.