Josué 5:2 - Bible in Tzeltal de Oxchuc y Tenejapa

² Ja' yorail a te jich albot yu'un Cajwaltic te Josué: —Pasa cuchilloetic ta ton, swenta yu'un ya me xcha'jajch'ex xan ta spasel te circuncisión ta stojol te israeletique —xi'.

Bible in Tzeltal Bachajón

² Ha nix ta yorahil a te Jehová la yalbe te Josué: Pasa cuchillohetic ta tulan ton, ya me xhahchat xan ta ya'beyel circuncisión te snich'nab Israel, xchi.

Josué 5:2 ပူးပေါင်းရင်းမြစ်များ

Éxodo 4:25

Jich yu'un te Séfora, ja' te yiname, la stsac tel ch'in ton ta ora te buen ay ye. La sbojbey loq'uel snujc'ulel sbaq'uetal a te yale. Te snujc'ulel sbaq'uetale la yac'bey ta yacan Moisés. Jich la yal: —Ta ora to ya calbat te ja'at, jmamlalat ta swenta ch'ich' —xi'.

Romanos 2:29

Ja' mero judio-winic te mach'a jich ay ta yo'tan soc te mach'a yich'oj ta yutil yo'tan te circuncisione. Melel ja' ya x'at'ej ta o'tanil stuquel te Espíritu yu'un te Diose, ma ja'uc ya x'at'ej te bila ts'ibubile. Te mach'a jich ay te yo'tane, lec sc'oplal ya xc'ot yu'un te Diose, ma ja'uc lec sc'oplal ya xc'ot yu'un te winiquetique.

Romanos 4:11

La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose.

Deuteronomio 10:16

“Ac'a ta awo'tanic te smarcail te trato, ma me ja'uc nax chican awo'tanic te bila ya apasic baele.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Colosenses 2:11

Soc te bit'il jun ayex soc te Cristoe jich la awich'ic circuncisión. Ja'uc me to, ma ja'uc te circuncisión te pasbil ta sc'ab ants-winiquetic. Ja'ix te circuncisión te la awich'ic ta swenta Dios te bit'il la ach'uunic te Cristoe. Jich colex ta libre yu'un te amulawil-baq'uetalique.

Josué 5:3

Josué la spas te cuchilloetique. La yac'bey yich' circuncisión te israel-winiquetic ta wits Aralot.