Josué 3:8 - Bible in Tzeltal de Oxchuc y Tenejapa

⁸ Ja'at me ya awalbey mandal te sacerdoteetic te ya sq'uechic bael te scajonil trato. Te c'alal ya xc'otic ta sti'il te muc'ja' Jordán, albeya ac'a stejc'an sbaic ta yolil te ja'e —xi'.

Bible in Tzeltal Bachajón

⁸ Ha'at me yac apas ta mandar te sacerdotehetic te ya sq'uechic bahel te scaxahul te chapbil-c'op, hich yac awalbe: Te c'alal ya xc'ohex ta ti'ha' yu'un Jordán, ya me atehc'an abahic ta yohlil te muc'ul-ha', xchi.

Josué 3:8 ပူးပေါင်းရင်းမြစ်များ

Josué 3:17

Spisil te israeletic c'axic bael ta staquin lumil Jordán te bit'il tec'ajtic ta yolil a te sacerdoteetic te sq'uechojic te scajonil trato yu'un te Cajwaltique, taquin soc tulan te slumile.

Josué 3:3

Jich la yalbeyic mandal te israeletique: —Ya me awilic te c'alal ya xc'ax scajonil trato yu'un Cajwaltic te ya sq'uechic bael te sacerdote-levitaetique, jich me ya xjajch'ex ta beel, ts'aclinaic bael.

Lamentaciones 3:26

Ja' lec ch'abalucotic ta smaliyel te ya scoltayotic te Cajwaltique.

Nehemías 13:28

Jtul te snich'nab Joiada, te snich'an muc' sacerdote Eliasib, ja' nix snial te Sanbalat te horonita-winique, la cac' loc'uc ta anel ta jtojol.

Nehemías 13:22

Patil la calbey mandal te levitaetic te ya slecubtes sbaic ta stojol Dios, soc te ya xba scanantayic te yochibal lum, swenta yu'un jich ma xbolob sc'oplal a te sc'aalelal cux-o'tane. Ya cal ta stojol Dios: —Dios cu'un, na'awon yu'un te bila la jpase, na'bon me yo'bolil jba ta swenta te yutsil awo'tane —xoon.

2 Crónicas 30:12

Ja' nix te Dios te la stijbey yo'tanic te ants-winiquetic ta Judá, swenta yu'un jun yo'tanic ya xch'uun te mandal yu'un te muc' ajwalil soc te sjo'tac ta ajwalile, jich bit'il yaloj mandal te Cajwaltique.

2 Crónicas 29:30

Ta patil te muc' ajwalil Ezequías soc te jtsobwanejetic la yalbeyic mandal te levitaetic te ya yalbeyic yutsil sc'oplal Cajwaltic ta salmoetic yu'un David soc yu'un te j'alwanej Asaf. Bayal yutsil yo'tanic c'ajinic, soc la squejan sbaic ta yalel wocol te Diose.

2 Crónicas 29:27

Jich yu'un te muc' ajwalil Ezequías la yal mandal ta chiq'uel te majt'anil ta sba te scajtijibe. Te c'alal nax jajch' ta chiq'uel te majt'anile, jajch'ic ta c'ayoj te yich'jibal ta muc' Cajwaltic, soc la yich' oq'uesinel te oq'uesetic, sjoinej sba soc te at'ejibaletic yu'un música te yac'oj jilel te namey q'uinal muc' ajwalil David.

2 Crónicas 29:15

Ja' sbabial la stsobic te yermanotac, soc la xchajban sbaic ta stojol Dios ta spisilic. Ora ochic bael ta xchajbanel te templo, jich bit'il yaloj ta mandal te muc' ajwalil, te jich nix smandal yu'un te Cajwaltique.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Josué 3:9

Jich yu'un te Josué la yalbey te israeletic: —La', aiya awaiyic stojol te bi ya yalbotic te Cajwaltic te Dios cu'untique.

2 Reyes 2:6

Jich cha'albot xan yu'un te Elías: —Jilan li'to, yu'un ya sticunon ta muc'ja' Jordán te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol te ma ba ya quijq'uitayat atuquel —xi'. Jich bajt' xchebalic.

Josué 4:11

Te c'alal spisilic ayiquix ta jejch' ja', c'axic bael te sacerdoteetic soc te scajonil trato yu'un te Cajwaltique, ja'ic j'ic'wanejetic yu'un te lume.