Josué 24:2 - Bible in Tzeltal de Oxchuc y Tenejapa

² Jich la yalbey spisil te lume: —Jich ya yalbotic Cajwaltic te Dios cu'untic te israelotique: “Namey q'uinal te Taré soc te snich'nabe, ja' te Abraham soc Nacor, te antiguo jme'-jtatic, ainic ta ti'ti'ja' Éufrates, soc yacalic ta xch'uunel te yantic diosetique.

Bible in Tzeltal Bachajón

² Te Josué hich la yalbe spisil te pueblo: Hich ya yal Jehová te Dios yu'un Israel: Te ame'atatic, ha te Taré stat te Abraham soc Nacor, nahinic ta namey ta jehch muc'ul-ha', la sch'uhunic yantic diosetic.

Josué 24:2 ပူးပေါင်းရင်းမြစ်များ

Génesis 11:22

Ay lajuneb xcha'winic (30) ya'wilal te Serug c'alal ayin snich'an te Nacor sbiile.

Génesis 11:24

Ay baluneb xcha'winic (29) ya'wilal te Nacor c'alal ayin snich'an te Taré sbiile.

Génesis 11:26

Ay lajuneb xchanwinic (70) ya'wilal te Taré c'alal ayin snich'nab: Abram te jtule, Nacor te yane, soc Harán te yane.

Génesis 11:27

Jich ay te lista yu'un te sts'umbal Taré: ja' snich'nab Taré te Abram, Nacor soc te Harán. Ja' snich'an Harán te Lot sbiile.

Génesis 31:19

Te Labán baem ta xjoxel loq'uel stsotsil xchij a, jich te Raquel la yelc'anbey bael te bitic yajcananinejic ta sna te state.

Génesis 31:30

Te bit'il ya ac'an te ya sujt'atix bael ta alumal, yu'un ya xbaatix ta sna atat, jichuc, ma'yuc bi ya calbat yu'un. Ja'uc me to, ¿bistuc awu'un te la awelc'anbon tel spisil te cajcanan te ay ta jnae? —xi'.

Génesis 31:32

Ja'uc me to, teme ay mach'a yich'ojbat ya ata te awajcanan ya awale, ac'a lajuc. Ac'a ta ilel ta comonsitil ta stojol quermanotactic. Teme ay bila quich'ojbat tele, ich'a sujt'el —la yut. Yu'un ma ba sna'oj stojol te Jacob teme ja' yelc'anej tel te Raquele.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

Génesis 35:4

Jich yu'un la stsobic te bitic scuyojic ta Dios te yich'ojic, soc te staq'uinal xchiquinique. Te Jacob la smuc jilel ta lum ta yet'al jijte' ay ta nopol lum Siquem.

1 Crónicas 1:27

soc Abram, ja' te Abraham.

Isaías 51:2

Ilawilic te Abraham, te atatique, soc te Sara, te la yaq'uex ta q'uinale. Te c'alal la quic' tel loq'uele, stuquel nax ay ta q'uinal a; ja'uc me to, la cac'bey bendición soc la cac'bey bayal sts'umbal.

Ezequiel 16:3

Jich xawalbey: “Jich ya yal ta seña-c'op te Cajwaltique: Te bit'il ay sc'oplal te ajajch'ibal, Jerusalén, jich ay: Te ja'ate, cananea-antsat ta awayinab to. Amorreo-winic te atate, soc hitita-ants te ame'e.

San Lucas 3:34

Jacob, Isaac, Abraham, Taré, Nacor,

Deuteronomio 26:5

Te ja'ate jich me ya awal ta stojol te Cajwaltique: “Te antiguo jme'-jtate ch'in jtsojp arameoetic te puro ta beel beel ayic, te coic bael ta Egipto, tey jilic ta nainel a. Patil c'atp'ujic ta jun muc'ul nación, mero tsobolic soc bayal yipic.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.