Josué 22:4 - Bible in Tzeltal de Oxchuc y Tenejapa

⁴ Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Bible in Tzeltal Bachajón

⁴ Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

Josué 22:4 ပူးပေါင်းရင်းမြစ်များ

1 Crónicas 22:18

—Te Cajwaltic te Dios awu'unique sjoinejex, soc la yac'beyex lamajuc q'uinal ta atojolic ta bayuc. Ja' la yac'bonix ta jwenta spisil ants-winiquetic te ayic ta spamal jq'uinaltic, ayic ta sc'ab Cajwaltic soc ayic ta jwentatic.

Éxodo 33:14

La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Números 32:18

Ja' to me ya sujt'otic ta jnatic a, teme spisil israeletic la staic jilel te sq'uinalique.

Deuteronomio 12:9

Melel ma to ba ataojic c'oel te banti ya acux awo'tanic ta melele, te ja' ya yac'beyex awu'uninic te Cajwaltic te Dios cu'untique.

Deuteronomio 29:8

la cu'uninbeytic te slum-sq'uinale. La cac'beytic yu'uninic te sts'umbal Rubén soc te sts'umbal Gad soc te olil sts'umbal Manasés.

Deuteronomio 3:20

Te Cajwaltic ya me yac'bey ta banti ya xcux yo'tanic ta nainel uuc te awermanotaque. Jich nix te bit'il te la yac'beyexix te ja'exe, jich ni me ya yac'bey yu'uninic te q'uinal, ya me yac'bey sq'uinalic ta jejch' ja' Jordán. Teme jich c'ote, ja' to me ya sujt'ex bael a ta aq'uinalic te la cac'beyexe, chican banti ayex ta juju-jtul”, la cutex.

Hebreos 4:8

Te ju'uc yu'un te Josué te la yac' ochel tey a ta bay cux-o'tan te israeletique, te Diose ma ba la slebey yan sc'aalelal te jichuque.

Josué 1:15

ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Josué 12:6

Te Moisés soc te israeletic la stsalic ta jc'axel te ajwaliletique. Te q'uinaletic yac'ojbeyix Moisés sq'uinalinic te sts'umbal Rubén, sts'umbal Gad soc te olil sts'umbal Manasés.

Josué 13:15

Te Moisés la spucbey sq'uinalic te sts'umbal Rubén, ja' chican te jayeb ta jchajp ayique.

Josué 13:8

Te sts'umbal te Rubén, Gad soc te olil sts'umbal Manasés ac'botix sq'uinalic stuquelic. Tey ac'botic yu'un Moisés ta jejch' ja' Jordán ta stojol sloq'uib c'aal.

Josué 22:3

C'alal ora soc ta spisil te jayebix tel c'aal, ma'yuc bay la awijq'uitayic te awermanotaque. Jun awo'tanic la ac'otesic ta pasel te mandaliletic yu'un Cajwaltic te Dios cu'untique.