Josué 2:9 - Bible in Tzeltal de Oxchuc y Tenejapa

⁹ —Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Bible in Tzeltal Bachajón

⁹ Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

Josué 2:9 ပူးပေါင်းရင်းမြစ်များ

Génesis 35:5

Jajch'ic ta beel. Te jaychajp lum ta banti ayique, ma ba nutsotic yu'un, melel ac'bot xiwel ta yo'tanic yu'un Dios, jich ma ba nutsotic.

2 Samuel 17:10

Asta te mach'a mero ma xiw, soc te mach'a buen c'ajc' jichuc stsajal león-choj, jc'axel me ya xiwic. Melel te atate soc te mach'atic t'unbil yu'une, na'bil ta spamal Israel te mero ma xiwique.

2 Reyes 5:15

Te Naamán soc spisil sjo'tac ba yilic te Eliseo. C'alal c'otic ta stojol, te Naamán jich la yalbey: —Yo'tic la jna'ix ta lec ta spamal balumilal ma'yuc Dios, ja' nax ay Dios stuquel ta Israel. Ja' yu'un, wocoluc, tsaca amajt'an te ya cac'bat te jo'on awabatone —xi'.

2 Reyes 7:6

Yu'un ja' nix te Cajwaltic te la yac'bey yaiyic te siriaetic te chicnaj sc'op carretaetic yu'un guerra, soc caballoetic soc bayal soldadoetic. Te siriaetic la scuyic te la xchapix sc'op te muc' ajwalil yu'un Israel soc te yantic muc' ajwaliletic yu'un hititaetic soc muc' ajwaliletic yu'un egipcioetic te ya x'ac'botic guerra yu'unique.

Nehemías 6:16

Te jcontrotique la yaiyic te ju'ixe. Spisilic te lumetic ayic ta sjoyobal te jq'uinaltique, bayal xiw yo'tanic yu'un. Pejc'aj te stoybailique, melel c'ot ta yo'tanic te ja' ta swenta bit'il ja' la scoltayotic te Dios cu'untic te ju' ta pasel cu'untic te at'ele.

Ester 8:17

Ta spisil ta jpam q'uinal, lumetic, soc te banti c'ot te c'op chapal yu'un te muc' ajwalile, te judioetic tal bayal sbujts' yo'tanic soc sbujts' q'uinal la yaiyic yu'un. La stsob sbaic ta we'el swenta q'uin. Te yajwal te lumq'uinal tsobol la yac' sbaic ta judioil, ta scaj te u'uninotic yu'un xiwel te bit'il la xi'ic te judioetique.

Job 19:25

Te jo'on ya jna' te cuxul te jcoltaywanej cu'un, te ja' stuquel te ya xc'opoj cu'un li' ta balumilale.

Salmos 112:10

Te mach'a amen yo'tan ya xc'ajc'ub yo'tan ta yilel; ya xc'ux ye, yu'un ma'yuc bi ya xju' yu'un. Te mach'atic amen yo'tanic ya xch'ayic soc te sbic'tal yo'tanique.

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Éxodo 23:27

“Ya me jpuc bael xiwel soc aw, soc mel-o'tan ta stojol spisil te lumetic ta bay ya xc'axex bael. Ya me x'an loq'uel ta atojolic te awajcontroe.

Eclesiastés 8:12

Jich ya xc'ot ta swenta te mach'a yacal ta sleel smule, bayal ja'wil cuxulic ta sleel smul. (Te bi jna'oje, ja' te mach'atic ya xch'uunic te Diose, soc te ya yich'ic ta muq'ue, buen lec ya xc'otic.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Isaías 23:5

C'alal ya yaiyic stojol te egipcioetic, ya me xwoclaj yo'tanic yu'un te bila c'ot ta pasel ta stojol te lum Tiro.

Jeremías 27:5

Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

Nahúm 2:10

Lajinotix, jojch'ajix, t'analix jilel, jich ayix te lum Nínive. Ya xjinix yo'tanic yu'un te xiwele; ya xnijq'uic te sjol yacanique. Ta spisilic ma'yuquix yipic soc sacuben yelawic yu'un xiwel.

Números 20:14

C'alal ayic ta Cades, te Moisés la sticun bael cha'oxtul ta yich'el bael c'op ta stojol te muc' ajwalil yu'un Edom, jich la yal bael: —Te awermanotac-israeletic la yalic tel: “Te ja'at ya ana' ta lec te jwocoltic c'axemix tel cu'untique.

Números 20:24

—Te Aarón ya me xlajix. Ma ba ya x'och bael ta bay q'uinal ya cac'bey te israeletic, melel te ja'ex ma la ach'uunbonic jmandal ta sloq'uibja' Meriba.

San Mateo 20:15

¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.

Deuteronomio 11:25

Ma me ayuc mach'a ya stsalex. Ja' me te Cajwaltic Dios cu'untic te ya yac' c'otuc ta pasel, te ya sticunbey buen tulan xiwtesel ta stojolic te mero xiweltic sba te banti ya xc'axexe, jich nix te bit'il yalojbeyexe.

Deuteronomio 2:25

Ta ora bael in to ya me cac' xiwuc yo'tanic ta atojolic te yajwal lumetic ta spamal balumilale. C'alal ya xchicnaj ta alel ac'oplalic ya yaiyique, ya me xjajch'ic ta nijq'uel yu'un xiwel, ya me x'u'uninbot yo'tanic yu'un mel-o'tan”, xi'.

Deuteronomio 28:10

Jich ta spisil te lumetic ta q'uinal ya me yilic te ja' yu'unat te Cajwaltique. Ya me xtal xiwel ta yo'tanic yu'un.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

Hebreos 11:31

Ta swenta xch'uunjel yo'tan te jmulawil ants Rahab, jich ma la sjoin ta lajel te mach'atic jc'axintayej-mandale, te melel ay yutsil yo'tan la yic' ochel ta sna te israeletic te tal stsajtay yilic te bi yilel te lume.

Josué 2:11

Ja' bayal xiwotic yu'un te c'alal la caiytic stojole, melel ma'yuc mach'a ya xju' spajaltayex. Melel cajal nix stuquel a te Awajwal te Dios awu'unique, te ja' Dios yu'un ch'ulchan soc Dios tey ta balumilal.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Josué 2:8

Te c'alal ma to xway a te jtsajtaywanejetique, te Rahab mo bael ta sc'oponel, jich c'o yalbey:

Josué 5:1

Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Josué 6:2

Te Cajwaltic la yalbey te Josué: —Te jo'one cac'ojbatix ta ac'ab te Jericó, te muc' ajwalil yu'un soc te soldadoetic yu'une.

Josué 9:10

soc te bi la spasbey te cheb ajwaliletic yu'un te amorreoetic ta jejch' ja' Jordán, ja' te Sehón te ajwalil yu'un te lum Hesbón, soc te Og, te ajwalil yu'un Basán, te nain ta lum Astarot.

Josué 9:24

La sjac'beyic sc'op te Josué: —Jich la jpastic, melel bayal xiwotic yu'un teme ya xba amilotique. Yu'un caiyojtic stojol te Ajwalil, te Dios awu'unique, la yalbey Moisés, te yabate, te ya yac'beyex spamal te q'uinale soc ya yich' milel spisil te mach'atic nainemic tey ae.

Josué 9:9

La sjaq'uic: —C'ubul talemotic ta scaj te pujq'uem sc'oplal te Ajwalil te Dios awu'unique. Caiyojtic stojol spisil te bi la spas ta Egipto,

Jueces 7:14

Te sjoy la sjac': —Ma'yuc bi yan swentail abi. Ja' ya yac' ta na'el stojol te ja' seña spuñal Gedeón te snich'an Joás, te israel-winique. Dios ya yac'otic ta sc'ab Gedeón jo'otic te madianotic soc spisil te campamento cu'untique —xi'.