Josué 2:5 - Bible in Tzeltal de Oxchuc y Tenejapa

⁵ Yaquix ta ijc'ubel a te bajt'ique, ja' te nopol xmajq'uix sti'il sts'ajc'ul a te lume. Ja'uc me to, ma jna' te banti bajt'ique. Teme ya anutsic bael ta ora, ya me ataic —la yut.

Bible in Tzeltal Bachajón

⁵ Ta yihc'ubel q'uinal, te c'alal ya xmahquix a te yochibal te ts'ahc, loq'uic bahel te winiquetic, pero ma jna' banti bahtic. Nutsahic bahel ta ora, ya me atahic, xchi.

Josué 2:5 ပူးပေါင်းရင်းမြစ်များ

Nehemías 13:19

Jich la cal tulan mandal, ta mal c'aalil te c'alal nopol te ya x'ijc'ub q'uinale, te ja'ix yorail sc'aalelal cux-o'tan a, ac'a yich' maquel te spuertail Jerusalén. Ma ba ya yich' jamel ja' to c'alal c'axix a te sc'aalelal cux-o'tane. Soc ay la cac' ta yochibal lum abatetic cu'un, swenta yu'un ma xyaq'uic ochel junuc ijc'atsil ta sc'aalelal te cux-o'tane.

Isaías 60:11

Te yochibal ats'ajc'ule jamalic me spisil ora; ma ba ya xmajc' ta c'aaleltic, ni ta ajc'ubal, swenta yu'un ya xju' ya yich'beyex tel sc'ulejalic te nacionetique, soc ja' me ya x'ic'awanic ochel te muc' ajwaliletic yu'unic.

Jeremías 50:20

Jo'on Ajwalilon, jich ya cal: Ja' me jich yorail a, te Israel soc Judá ya xjilic ta libre yu'un te falta soc te smulique, melel jo'on ya jpasbey perdón te mach'atic ya cac' cuxinuc xane.

Ezequiel 47:12

Ta xchebal te sti'il te muc'ja'e, ya me xch'i te'etic te ya yac' site. Ma me ayuc bi ora ya xlubaj yabenal, soc spisil me ora ay sit. Ta jujun me u ay sitic, melel ja' yac ta aq'uel ya'lel yu'un te ja' yac ta loq'uel tel ta templo. Te sitique ya me xtuun ta we'elil, te yabenalique ya me xtuun ta poxil —xi'.

Josué 2:4

Ja'uc me to, nac'biliquix yu'un te Rahabe. Jich yu'un la yalbey te abatetic yu'un te ajwalile: —Melel te ay winiquetic te julic tel ta jtojole, pero ma la jna' stojol te bay talemique.

Josué 2:6

Ta mero melel te antse la smojt'es ta sba te snae. Tey la snac' a ta bay tomajtic ta q'ui'el yu'un te linoe.

Josué 2:7

Te winiquetic yu'un te ajwalile ba sleic c'alal ta muc'ja' Jordán, c'otic c'alal ta bay tec'oja'etic. Te c'alal nax loc' te jnutswanejetique, la yich' maquel sti'il sts'ajc'ul te lume.

Apocalipsis 21:25

Jujun c'aal jamal sti' spisil ora te muc'ul lume, soc ma'yuc ajc'ubal tey a.

1 Samuel 19:14

C'alal la yalbey mandal swinictac te Saúl te ya stsaquic te David, jich albotic yu'un te Mical: —Yac ta chamel —xi'.