Josué 2:2 - Bible in Tzeltal de Oxchuc y Tenejapa

² Ja'uc me to, ay mach'a ba yalbey yaiy te ajwalil yu'un te lume. Jich c'o yalbey: —Ay me israel-winiquetic julic in ajc'ubal to, talic me ta stsajtayel te q'uinale —xi'.

Bible in Tzeltal Bachajón

² Hich halbot ya'iy te ajwalil yu'un Jericó: Ay winiquetic yu'un te snich'nab Israel te talemic ha ahc'abal ini ta stsahtayel te q'uinale, xchi.

Josué 2:2 ပူးပေါင်းရင်းမြစ်များ

Salmos 127:1

Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Isaías 43:13

Jtalel ayon te Dioson jtuquele. Ma'yuc mach'a ya xju' ya sloq'uesat ta jc'ab. Ma'yuc mach'a ya xju' ya xch'ay ta jc'axel te bila ya jpase —xi'.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.

Josué 2:3

Jich yu'un te ajwalil la sticun bael mandal ta stojol te Rahab, jich la yalbey bael: —Loq'uesa tel te winiquetic te julem ta atojol te ayic ta anae, melel jtsajtaywanejetic me —xi'.

Jueces 18:2

Jich yu'un te mach'atic yu'un Dan la sticunic jajch'el ta Zora soc Estaol jo'tul winiquetic te ma xiwic, swenta yu'un ya xba stsajtayic te q'uinale, yu'un jich me ya sna'ic te bi yilele. Te jo'tul winiquetic bajt'ic ta witstiquil yu'un Efraín, c'otic ta sna Micaía, tey c'ax yu'unic a te ajc'ubale.