Josué 15:1 - Bible in Tzeltal de Oxchuc y Tenejapa

¹ Te q'uinal ac'bot ta swenta xchaplejal te sts'umbal Judá, ta swenta snumeroil ta na'el, ja' c'ot ta swenta c'alal ta sti'il sq'uinal Edom, soc ta stojol sur c'ot c'alal ta jochol taquin q'uinal Zin.

Bible in Tzeltal Bachajón

¹ Te q'uinal te c'oht ta scuenta te sts'umbal Judá ta scuenta spasbeyel seña ta na'el, chican te jaychahp ayic, c'oht c'alal ta sti'il Edom, soc yich'oj te jochol taquin q'uinal Zin, ta stojol sur.

Josué 15:1 ပူးပေါင်းရင်းမြစ်များ

Génesis 35:23

Te yalatac te Lea: Rubén te sba snich'an, soc Simeón, Leví, Judá, Isacar soc Zabulón.

1 Reyes 8:65

Jich ora te Salomón soc ta spisil te Israel, te mero bayalic ta spisilic te talemic c'alal ta yochibal Jamat, c'alal ta beja' yu'un Egipto, la spasic te q'uin yu'un Nailwamal swenta yich'jibal ta muc' te Cajwaltic te Dios cu'untique. Soc la spasic xan juqueb c'aal, chanlajuneb c'aal ta spisil te q'uine.

Ezequiel 47:19

“Te sti'il ta stojol sur, ya xjajch' ta Tamar, ya xc'ax ta yaxal q'uinal yu'un Meriba-cades soc ta beja' yu'un Egipto, ya xc'ot c'alal ta Mar Mediterráneo.

Números 20:16

Jich yu'un la jc'anbeytic coltayel te Cajwaltique. La yaiybotic stojol, jich la sticun tel jtul ch'ul abat yu'un te la sloq'uesotic tel ta Egipto. Ta ora to li' ayotiquix ta lum Cades ta bay sti'il te aq'uinale.

San Marcos 3:8

Te c'alal la yaiyic stojol ta bayuc te bila muc' yac ta spasel te Jesuse, jich talic bayal ants-winiquetic ta bayuc. Ay talic ta sq'uinal Judea, soc ta muc'ul lum Jerusalén, soc ta bay sq'uinal Idumea, soc ta bay jejch' ja' Jordán, soc ta sjoylejal sq'uinal te lum Tiro soc te lum Sidone. Tal yilic te Jesuse.

Deuteronomio 32:51

Ja'ex ta achebalic ma junuc awo'tanic la awac' abaic ta jtojol ta sitic te israeletic te c'alal ayex ta Meriba-cades a, ta jochol taquin q'uinal Zin, ma ba la awich'onic ta muc' ta yolilic.

Josué 14:2

Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.

Josué 15:2

Melel jajch' bael ta mero sur yu'un te Mar Muerto,

Josué 18:5

Te winiquetic ya me sp'isic jilel, jucsejp me ya sloq'uesic a. Ya me yijq'uitaybey jilel te sq'uinal Judá ta stojol sur, soc te sts'umbal José, ta stojol norte ya me xjil te sq'uinalique.