Josué 13:3 - Bible in Tzeltal de Oxchuc y Tenejapa

³ c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

Bible in Tzeltal Bachajón

³ c'alal Sihor te ay ta stojol banti ya xloc' tal c'ahc'al yu'un Egipto, ha to ta sti'il Ecrón ta stojol norte, te ha yu'un cananeohetic ta halele; te sq'uinal te ho'tuhl ajwaliletic filisteohetic ta Gaza, Asdod, Ascalón, Gat soc Ecrón; soc nix te sq'uinal te aveohetic

Josué 13:3 ပူးပေါင်းရင်းမြစ်များ

Génesis 10:6

Jich sbiilic te sts'umbal Cam: Cus, Mizraim, Fut soc Canaán.

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

1 Reyes 8:65

Jich ora te Salomón soc ta spisil te Israel, te mero bayalic ta spisilic te talemic c'alal ta yochibal Jamat, c'alal ta beja' yu'un Egipto, la spasic te q'uin yu'un Nailwamal swenta yich'jibal ta muc' te Cajwaltic te Dios cu'untique. Soc la spasic xan juqueb c'aal, chanlajuneb c'aal ta spisil te q'uine.

1 Crónicas 13:5

Te David la stsob tel spisil te Israel, ja' to c'alal ta Sihor ta bay sts'acoj sba soc Egipto te sq'uinal Israel, ja' to c'alal yochibal yu'un Hamat, ta swenta yich'el tel ta Quiriat-jearim te cajón yu'un te Diose.

Isaías 23:3

ta bay bayal ja'etic yu'une. La sloq'uesic te stojol yat'elic ta swenta te trigo ta Sihor, te la yich' set'el ta bay muc'ja' Nilo, ja' sp'olmalic soc te nacionetique.

Jeremías 2:18

Ta ora yo'tic, ¿bi ya ata a te ya xbaat ta Egipto? ¿Yu'un bal ja' ya xba awuch'bey ya'lel te muc'ul ja' Nilo? ¿Bi ya ata a te ya xbaat ta Asiria? ¿Ja' bal ya xba awuch'bey ya'lel te muc'ul ja' Éufrates?

Deuteronomio 2:23

Jich nix pasbotic te heveoetique, tey nainemic ta nanatic ta nopol Gaza, jc'axel la yich'ic lajinel yu'un te filisteoetic, ja' te talic ta Creta, tey jilic ta nainel a.)

Josué 13:13

Te mach'atic ayic ta Gesur soc Maaca ma la yich' loq'uesel stuquelic, sjoinej sbaic soc te israeletic asta c'alal ora yo'tic.

Jueces 16:5

Te ajwaliletic yu'un filisteoetic ba yilic te Dalila, jich la yalbeyic: —Lo'laya te Sansón, jojc'obeya awaiy ta lec te bay ya xtal te yip te lom bayal ta jyalele, soc te bit'il ya xju' cu'untic stsalele. Jich me ya jchuctic, soc ya me xch'uunbotic jc'optic. Te stojol awat'ele juju-jtulotic ya me cac'tic ta atojol jmil soc jo'winic (1,100) ta jsejp plata —la yutic.

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

1 Samuel 5:1

Te c'alal och ta sc'ab filisteoetic te scajonil trato yu'un Dios, la yich'ic jajch'el ta Eben-ezer, bajt' yu'unic c'alal ta lum Asdod.

1 Samuel 5:10

Ja' yu'un te filisteoetic la sticunic ta Ecrón te scajonil trato yu'un Dios. Pero c'alal c'ot tey a, spisil te yajwal Ecrón jajch'ic ta aw: —La yich'botiquix tel te scajonil trato te Dios yu'un Israel, swenta yu'un ya smilotic ta jpisiltic —xiic ta aw.

1 Samuel 5:8

Jich la sticunic ta iq'uel tel te ajwalil-filisteoetic swenta yu'un ya me stsob sbaic soc. La sjojc'obeyic, jich la yalic: —¿Bi ya jpastic soc te scajonil trato te Dios yu'un Israel? —xiic. —Ich'aic bael ta lum Gat —xiic. Te filisteoetic la yich'ic bael tey a.

1 Samuel 6:4

—¿Bi ya jticunbeytic swenta yu'un ya xlecub yo'tan? —xiic ta sjojc'oyel te filisteoetique. Jich la yal te sacerdoteetic yu'unique: —Pasaic jo'eb sloc'ombail sijt'ubel pasbil ta oro, jujun yu'un ya xc'ot te juju-jtul ajwalil cu'untic; soc jo'eb sloc'ombail ch'o te pasbil nix ta oro, melel jun nax te chamel yacotic ta yaiyel soc te ajwaliletic cu'untique.