Josué 11:9 - Bible in Tzeltal de Oxchuc y Tenejapa

⁹ Te Josué ts'acal la spas te bit'il nix yaloj mandal te Cajwaltique: la stuch'beyic xchial yacan scaballoic te scontroic, soc la xchic'beyic te scarretaic yu'un guerra.

Bible in Tzeltal Bachajón

⁹ Te Josué hich la spasbe te bin ut'il pasot ta mandar yu'un Jehová: la sbojticlambe schihal yacan te scawuhic soc la schic'ticlambe te scarretahic yu'un guerra.

Josué 11:9 ပူးပေါင်းရင်းမြစ်များ

Génesis 49:6

Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.

2 Samuel 8:4

Te David la stsac jmil soc jo'lajunwinic xcha'bajc' (1,700) soldadoetic te cajajtic ta caballo, soc jtab ta jmil (20,000) soldadoetic yacalic ta beel yacanic. Soc xan la set'beyic xchial yacan spisil te caballoetic te ya snitic carretaetic yu'un guerra, ja' xanix la yijq'uitay te jaycojt' ya xtuun yu'unic, yu'un ya yac'beyic snit jo'winic carretaetic.

Salmos 46:10

“Lamana me abaic. Na'aic me te jo'on Dioson. Jo'on me toyolon yu'un spisil nacionetic; jo'on me toyolon yu'un ta spamal te balumilale”, xi' te Diose.

Nahúm 2:13

Te Cajwaltic te Spisil ya xju' yu'une tulan ya yal: —Li' ayon to ta jcontroinbelat. Ya jchic'bat te carretaetic awu'un ta guerra, ya jc'atp'unbat ta ch'ail. Ya jmilbat te alal león-chojetic awu'une; ya jtup' te elec' ay ta alumale. Soc ma me ayuquix ya x'aiyot stojol sc'op abatetic awu'un —xi'.

Josué 11:6

Ja'uc me to, te Cajwaltic la yalbey te Josué: —Ma me x'axi'ic, melel te pajel ta jich ora to, spisilic me ya xju' awu'unic smilel. Tuch'beyaic ta bojel xchial yacanic te scaballoic, soc chic'beyaic te scarretaic yu'un guerra —xi' te Cajwaltique.