Josué 11:4 - Bible in Tzeltal de Oxchuc y Tenejapa

⁴ Spisil te muc' ajwaliletic talic soc spisil te soldadoetic yu'unique, mero bayal caballoetic soc carretaetic yu'un guerra. Bayal ta jyalel te soldadoetic, mero ma xju'ix ta ajtayel, jich bit'il juju-jp'ij sit ji' ta sti'il te mare.

Bible in Tzeltal Bachajón

⁴ Hich loq'uic tal soc spisil te soldadohetic yu'unic, mero bayelic, hich te bin ut'il shi'al mar, soc c'ax bayel cawuhetic soc carretahetic yu'un guerra.

Josué 11:4 ပူးပေါင်းရင်းမြစ်များ

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

2 Samuel 17:11

Yo'tic jo'on ya calbat, ac'a stsob tel sbaic ta atojol spisil te israeletic ta spamal sq'uinalic, c'alal ta Dan soc c'alal ta Beerseba, melel mero bayalic ta jtul jichuc ji' te ay ta ti'mar. Te ja'at nix ya xba awac' ta guerra.

1 Reyes 4:20

Te Judá soc Israel mero ma xju' ta ajtayel te yajwale, jich te bit'il ji' ay ta ti'mar. Ay bayal swe'el-yuch'elic; mero bin nax yo'tanic ainic.

Salmos 20:8

Ya me xlaj yipic, ya me xyalic, yan te jo'otic, tulan ya jtejc'an jbatic ta stojol te jcontrotactique.

Josué 11:5

Spisilic jun nax la xchap sc'opic. La spas scampamentoic ta nopol ja'etic Merom, swenta yu'un ya yac'beyic guerra te israeletique.

Jueces 7:12

Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.

1 Samuel 13:5

Jich te filisteoetic la stsob sbaic, swenta yu'un ya me yac'bey sbaic guerra soc te israeletique. Ay lajuneb xcha'winic ta jmil (30,000) carretaetic yu'un guerra te tasbil ta caballoetic, wacmil (6,000) soldadoetic cajajtic ta caballo, soc mero bayalic yantic soldadoetic te ya xbeen ta yacanic te mero bayalic, jich yipalic te bit'il sji'al mar. Tojic bael ta lum Micmas, c'o spas scampamentoic ta stojol sloq'uib c'aal yu'un Bet-avén.