Josué 11:2 - Bible in Tzeltal de Oxchuc y Tenejapa

² soc spisil te muc' ajwaliletic yu'un spamal te q'uinal ta witstiquil ta swenta norte, te stenlej xatal q'uinal bael ta Jordán te ay ta sur yu'un te Mar Cineret, te spamlejal c'alal nopol bael Dor ta swenta smalib c'aal,

Bible in Tzeltal Bachajón

² soc te ajwaliletic te ayic ta witsiltic ta norte, ta Arabá te ay ta stojol sur yu'un Mar Cineret, ta spamlejetic soc ta q'uinal ay ta Dor ta stojol smahlib c'ahc'al,

Josué 11:2 ပူးပေါင်းရင်းမြစ်များ

1 Reyes 15:20

Te Ben-adad la xch'uunbey te bi albot yu'un te muc' ajwalil Asa. Jich la sticun te capitanetic yu'un soldadoetic, ba yac'beyic guerra te lumetic yu'un Israel. Jich la stsal te Ijón, Dan, Abel-bet-maaca, spamal Cineret, soc spisil bael te sq'uinal Neftalí.

1 Reyes 4:11

Ben-abinadab, la swentain ta spamal sq'uinal Dor, te yiname Tafat sbiil, yantsil-nich'an Salomón.

Números 34:11

ya xjajch' bael ta Sefam c'alal ta Ribla, ta stojol sloq'uib c'aal yu'un Aín. Te smojonil ya xco bael ta stojol sloq'uib c'aal yu'un te Mar Cineret,

San Lucas 1:39

Ma ba jal c'aal ta patil, ora bajt' te María ta bay ch'in lum te ay ta witstiquil ta sq'uinal Judea.

San Lucas 5:1

Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

Josué 10:40

Jich ju' yu'un te Josué ta yu'uninel spamal te q'uinale. La stsal te muc' ajwaliletic yu'un lumetic ta toyol witstiquil, ta sq'uinal Néguev, ta peq'uel witstiquil soc ta coel q'uinal bael. Spisil la sjin jilel soc la smilic ta spisil, ma'yuc jtuluc cuxul jilel, jich bit'il yaloj mandal Cajwaltic te Dios yu'un Israel.

Josué 10:6

Jich yu'un te mach'atic ayic ta Gabaón la sticunbeyic bael c'op te Josué ta scampamento spisil te israeletic ta Gilgal, jich la yalic bael: “Ma me wocoluc x'awaiyic te ya xtalex ta scoltayel te abatetic awu'une, la' coltayawotic ta ora, la' situya abaic soc ta jwentatic. Te ajwaliletic yu'un amorreoetic te ayic ta witstiquil, jun la stsobix sbaic tel spisilic ta guerra ta jtojoltic”, xi' bael sc'opic.

Josué 11:16

Te Josué ju' yu'un yich'el spamal te q'uinale: ja' te toyol witstiquil, spisil te Néguev, spisil te sq'uinal Gosén, te spamlejal soc stenlej xatal q'uinal yu'un Jordán, soc spisil te witstiquil soc spamlejal yu'un Israel.

Josué 11:21

Soc ju' yu'un Josué stsalel soc la sjin spisil te lumetic yu'un te sts'umbal Anac te ayic ta wits Hebrón, ta lum Debir, ta lum Anab soc spisil ta witstiquil yu'un Judá soc yu'un Israel.

Josué 12:23

yu'un Dor te swentainej te toyol q'uinal Dor nix, yu'un Goim ta Gilgal

Josué 12:3

Ja' mandalaj ta jejch' ja' Jordán ta stojol sloq'uib c'aal, ja' to c'alal ta Mar Cineret, soc c'alal ta Mar Muerto, ta stojol bael te Bet-jesimot, ta stojol sur, ja' to c'alal ta yoc wits Pisga.

Josué 13:27

Ta stenlej xatal q'uinal ja' jil ta swentaic te lumetic Bet-aram, Bet-nimra, Sucot soc Zafón, te ja' xanix ta bay mandalaj Sehón te muc' ajwalil yu'un Hesbón. Ja' yu'un te sq'uinal Gad ay ta sti'il muc'ja' Jordán ta stojol sloq'uib c'aal asta c'alal sti'il yu'un Mar Cineret ta stojol sur.

Josué 17:11

Soc c'ot ta swenta sts'umbal Manasés te lumetic soc te ch'in lumetic yu'unic, te ay ta sq'uinal sts'umbal Isacar soc ta sq'uinal sts'umbal Aser, ja'ic te Bet-seán, Ibleam, Dor, Endor, Taanac soc Meguido soc te oxtsel ch'in witsetique.

Jueces 1:27

Te sts'umbal Manasés, ma ju' yu'un te la sloq'ues bael yajwal te lumetic Bet-seán, Taanac, Dor, Ibleam soc Meguido, ni ja'uc ju' yu'un sloq'uesel bael te mach'atic ainemic ta ch'in lumetic te nopol ayic soque. Ja' yu'un te cananeoetic ainic xan tey a.