Josué 1:9 - Bible in Tzeltal de Oxchuc y Tenejapa

⁹ Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Bible in Tzeltal Bachajón

⁹ Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 1:9 ပူးပေါင်းရင်းမြစ်များ

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 39:2

Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

2 Samuel 13:28

Jich la yalbey te abatetic yu'une: —Ya me awilic ta lec te Amnón te c'alal yacubenix yu'un te vino. Te c'alal ya calbeyex te ya amilique, milaic me. Ma me xiwex ta smilel, melel jo'on jmandal. Ja' yu'un ma me xiwex, ayuc me yip awo'tanic ta spasel —xi' ta stojol te swinictaque.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

2 Crónicas 15:7

Yan te ja'exe pasaic me tulan, soc ma me xapejc'an awo'tanic, melel te awat'elic ya me awich' atojolic yu'un —xi' te Azarías.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 43:1

Ja'uc me to, ta ora yo'tic, Israel, te lumat yu'un Jacob, te Cajwaltic te la xchicnantesate, ya yalbat: —Ma xiwat, jo'on la cac'atix ta libre; jo'on la quic'at ta abiil, jich la cu'uninat.

Isaías 43:5

Ma me xiwat, melel joinejat me. C'alal ta sloq'uib soc smalib c'aal, ya quic' sujt'el tel te ants-winiquetic awu'une swenta yu'un ya yich' xan tsobel.

Isaías 8:12

—Ja' in lum to ya yalic te ay bila muquen chapbile, yan te ja'exe ma me xawalic jich. Ma me xiwex yu'un, ni ma me xnijc' awo'tanic yu'un te bila ya xi'ique.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Hageo 2:4

Pero, ac'a puersa, Zorobabel. Ac'a puersa, Josué, te muc'ul sacerdoteat te awentainej te sacerdoteetique. Ac'aic puersa ta apisilic, ants-winiquetic te li' ayex ta lumq'uinale. At'ejanic me, jo'on me joinejex. Jo'on Ajwalilon te Spisil ya xju' cu'un ya cal ta jamal.

Hageo 2:5

Jich te bit'il la calbeyex te c'alal loq'uex tel ta Egipto, te ja' ya sjoinex te espíritu cu'une. Ma me xiwex jiche.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

Deuteronomio 1:21

Ja' ya yac'beyex te lumq'uinale. Ja' yu'un ochanic me jiche, nainanic a, jich nix te bit'il yaloj te Cajwaltic, ja' te Dios yu'un te antiguo jme'-jtatique. Ma me xiwex soc ma me xpejc'aj awo'tanic”, xoon.

Deuteronomio 20:1

“Teme ya xloq'uex ta spasel guerra soc te acontroique, teme ya awilic ay bayal caballoetic soc carretaetic yu'un guerra yich'ojic, soc teme ja' mero bayal te soldadoetic yu'unique, teme c'axem jichic a te bit'il ja'ex, ma me x'axi'ic, melel te ja'exe ja' sjoinejex te Cajwaltic te Dios cu'untique. Ja' te la sloq'uesex tel ta sq'uinal Egipto.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Deuteronomio 31:28

Ic'aic tel spisil te mamaletic yich'oj yat'elic, soc te jtsobwanejetic yu'un ta chajbalchajp te jts'umbaltique, swenta yu'un ya me calbey yaiyic spisil, soc swenta yu'un ya me cac' ta testigoetic ta stojolic te ch'ulchan soc te balumilale.

Josué 1:10

Te Josué la yalbey mandal te jtsobwanejetic yu'un te lume, jich la yalbey:

Josué 1:17

Ya me jch'uuntic te ac'op jich bit'il la jch'uunbeytic sc'op Moisés. Ja' nax ya jc'antic te yacuc sjoinotic te Cajwaltic te Dios cu'untique, jich bit'il la sjoin Moisés.

Josué 1:18

Spisil te mach'atic ya stoy sbaic ta swenta te mandal ya awalbotic, teme ma sc'an xch'uunic te bi ya awale, ac'a yich'ic milel. Ja' nax teme ma xiwate, soc teme ya apas tulane —xiic.

Josué 10:25

Te Josué jich la yalbey xan: —Ma me x'axi'ic soc ma me xpejc'aj awo'tanic; ma me x'axi'ic, pasaic me tulan. Jich nix me ya spasbotic bael Cajwaltic ta stojol te jcontrotique —xi'.

Josué 10:8

Te Cajwaltic la yalbey: —Ma me xiwat, melel jo'on ya cac'beyex ta ac'abic, ma me ayuc jtuluc ya stsalex —xi' te Cajwaltique.

Josué 3:7

Te Cajwaltic la yalbey te Josué: —Yo'tic ya me cac' te ya xmuc'ub ac'oplal ta sitic te israeletique. Tey me ya yilic a te joinejat, jich bit'il la join te Moisese.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

Josué 8:1

Te Cajwaltic la yalbey te Josué: —Ma me xiwat, ma me xpejc'aj awo'tan. Tsoba spisil te soldadoetic awu'une; moanic bael, ac'beyaic guerra te lum Hai. Jo'on ya cac'bat atsal te ajwalil yu'un lum Hai soc te yajwale. Jich me ya awich'beyic te slumal soc spisil te sq'uinale.

Jueces 6:14

Te Cajwaltic la yilbey sit, jich la yalbey: —Ac'a aba ta abatinel soc te awipe, yu'un ya sc'an te ya xbaat ta scoltayel te israeletic ta sc'ab te madianetique. Jo'on ya jticunat bael —xi' te Cajwaltique.

1 Samuel 10:7

Te c'alal jich c'otix ta pasel ta atojol spisil a te bitic la calbatixe, pasa spisil te bila ya sc'an awo'tan ya apase, ja' me ya scoltayat te Diose.